歌仔都有得唱「地下鐵碰著他，好比心中愛神進入夢。」估唔到紐約地鐵有個靚女策劃人，日日為美國型男索女配對。你的情人，可能就在你左近！
兼職地鐵「月老」
香港人慨歎交友難，出現越來越多盛男盛女。而交友網站的方法亦層出不窮，什麼Speed dating，盛男盛女大作戰都出埋。有沒有人想到，輕輕鬆鬆於地下鐵碰著他 / 她呢？美國紐約就有個「美女月老」克里斯 (Erika Christensen)，於曼哈頓聯合廣場 (Union Square)車站月台為各位搭客拉紅線。
克里斯趁着每天搭客上下班時間，搜尋符合其標準的型男美女，然後走上前詢問對方是否單身，並為目標對象安排約會。克里斯表示「作真人配對的感覺，遠比用電腦程式篩選對象好。我不相信你搭地鐵時不會留意身邊的靚仔靚女。」
如此別出新穎的識男 / 女仔方法，你又有冇興趣試呢？你的另一半可能與你相約在地鐵月台。
P.S. 克里斯教路，在曼哈頓地鐵 E 線上遇上型男索女的機會最多。
相關資料：http://trainspottings.tawkify.com/
Facebook：http://www.facebook.com/TrainSpottings