呢期航空界熱話,一定係呢個專針對空姐嘅 偵探 公司廣告,事關位位都收到呢張卡片!我阿珍當然立即去八,個個空姐朋友都大呻無聊,話維繫感情總有辦法嘅,信唔過男友不如甩拖啦,更有人突破盲腸,話成件最神秘嘅地方係卡片响公司信箱收到,一般人係入唔到去嘅,懷疑有crew係內鬼,聽到我阿珍係咁剝花生!不過呢間 偵探 公司係醒嘅,空姐成日出勤,另一半留港做乜真係無人知,無疑心就呃你,所以阿珍我特登打去扮空姐查詢!

阿珍致電查詢實錄(真實對白)

Q:喂!我做空姐嘅,最近收到張卡片……其實你哋點收費?我第一次幫襯呢啲嘢。

A:啊!國泰空姐有 95 折,其他公司呢,拎張卡片嚟都照畀個折頭喎!咁嘅,如果想搵出軌證據,我哋推介最基本嘅斷鐘計,每小時 $550,因為對方知晒你更表,有嘢嘅話,通常跟一兩日就有結果!
Q:下!你哋會點跟先,畀我男朋友知道我查佢咪死梗?
A:嗱!你飛前同佢開開心心食個飯,等佢疑心少啲,我哋又唔會跟錯人,隨即就可開始跟蹤行動,影相拍片見乜影乜。
Q:同埋點解益國泰,點解專攻空姐嘅?
A:以往的確有空姐客,但唔係特別嚴重,間公司開咗年幾,張卡片都係宣傳嚟,你又唔使咁擔心要轉行喎!

Q:多謝哂喎。我諗諗先!

基本計劃:港幣$550/小時

  • 2 名私家偵探
  • 1 套行動所得相片
  • 1 份文字報告

調查過後,阿珍發覺原來「優待 CX」只係噱頭,實情只要係業內人士,附上卡片就已經有折頭!
計我阿珍話,做得空姐都係靚女,與其驚條仔出軌驚到要畀埋啲無謂錢查,不如畀啲自信!叫男友緊張下你出差會否有太多艷遇仲好啦!

下一頁:空姐唔易做 | 一人分色多角 | 小菲菲空姐

延伸閱讀

機師不是好男友的原因

邊個啱做 空姐?| 美少女戰士轉身變,已變成空姐

空姐入行 | 國泰以外的選擇