我地租用五人私家車(USD50/day+油費)，自駕遊死海。
沿途有無盡的中東土泥色風景，加上以色列大部分地區沒有高樓大廈，景色一望無際。
突然，緊張情節發生了！我地的車被警察叫停，原來是前段有一個位置我們應該要停車但我們沒停下，就被抄牌了。(整個情節對我來說很[衰][衰]第一：以色列警察睇落好似電影裏邪惡的黑幫警察，第二：他們一邊講數一邊食煙，第三：條路完全沒有指示牌叫停車，我地亦絕無超速(所以對非本地人來說，自駕遊有難度)
然後，到達一個死海入口附近的士多，那個死海入口收費18 shekels一個人(大約1:2兌港幣)，我以色列姑丈便想找一個不用收費的入口(他之前沒到過死海灘)，誰知開多了45分鐘車程也找不到，結果到了Ein Gedi Spa(也是間酒店) ,90 shekels收費一個人，但我兩個以色列表姐和他們講價，講到45 shekels[嘻嘻]
裏面有游泳池，旁面就有一架好似迪士尼入面的火車，每15分鐘開一班車，載客人到死海(4分鐘車程)
幾經辛苦，終於到了！！
一看以為去左沙漠版馬爾代夫(雖然我冇去過[打哈欠])
死海水清帶天然油分，不過沙很粗，滿地都係鹽粒鹽結精石，所以提醒大家最好要帶落水鞋！！
當日死海好大風，浪都幾大，所以要浮個陣都有啲啲驚！不過原來係死海浮吾係睇落咁疏乎，因為要長期”org”起個頭以免鹽水入眼(鹽水接觸到面部皮膚都好”那”)所以死海除左對身體皮膚好，都可以幫你練埋腹肌[偷笑]
因為呢個範圍既死海係Ein Gedi美化過，佢地在原本係死海泥地上以沙粒鋪了沙灘，所以要走出沙灘範圍才會找到烏卒卒的死海泥！
找死海泥的過程，小朋友要小心，因為你要站在會讓你沉下去的泥上，伸手找才拿到，小朋友容易在泥沼上失平衡！
當時，每個人都不停地將泥瘋狂地抹到自己身上，好似執到金咁！哈哈
死海泥的確對皮膚很好，不過用後會比較乾燥。
現場有淡水供沖身，要沖走死海泥才可上車。
當日勁大風，極凍！要記得帶大毛巾去玩！
美中不足是Ein Gedi Spa 6點便關門！所以要預留時間沖涼！
BTW , 死海係全世界最低既地方(海面以下394米)，所以海水有入冇出。以色列人認為，人與死海一樣，如果佢只接收(take)，而不付出(give)，就會好似死海咁困死自己。有意思, 有意思!
下一篇：深導遊以色列 (三) 以色列日出+彩虹 可遇不可求！
：深導遊以色列 (四) 該撒利亞 觀賞古蹟篇