深導遊以色列之旅要啟航了!!

千挑細選之下我地選擇左Korea airline,$6590,來回都要係韓國轉機。
去程我地要係韓國等10個小時轉機,所以參加了韓國免費即日5小時旅遊團,係想像之中既好,只收3美金既參觀入場費,同7美金午餐收費,有牛肉湯同飯食嫁!
(事後知道韓國仁川百車相撞,都感恩興幸我地係早兩日出發,亦祈求他們平安)
如果吾想出機場,亦可到轉機休息室,有免費私人浴室提供,連埋毛巾借用,亦有長型沙發讓旅客在等轉機中途休息。
我地係轉機個時仲識到一個來自菲律賓同一個來自關島既人,一齊參加旅行團,好開心好有旅行既感覺!
順便提醒各位,韓國過關hand carry係50ml或以下,我買左支洗面,就係咁dum一聲俾佢dump左[流淚]

經過25小時終於到達啦!!

第一次見以色列既親戚,感覺有少少陌生,但大家都好開心,佢地都好期待歡迎我地既到訪!

第一晚,佢地以國際party食物,即係pizza歡迎我地(原來以色列都有pizza hut)。仲有以色列乾果,因為佢地乾果係新鮮製,比起包裝乾果冇咁乾同硬。

習慣方面,原來大部分以色列人都會食煙,同有冇信仰,好吾好人無關,以佢地一家上下十幾人為例,當中只有一個人吾食煙。而且大家一齊食煙既時間就變左一個家人之間溝通傾計既時刻一樣。
另外,以色列人歐洲人相同之處,係見面或離開時都會擁抱和面貼面,表達自己的方式直接,說話都很直接。直接跟爸媽擁抱說愛您、直接跟大家說伴侶是全世界最美麗的、直接在客人面前與家人有爭議等等…直接的相處方式或許是拉近人與人的關係最直接的方法。

以色列機場,第一次見以色列既親戚

以色列第一餐晚餐—PizzaHut 橄欖pizza

以色列乾果,因為佢地乾果係新鮮製,比起包裝乾果冇咁乾同硬。

 

下一篇:深導遊以色列 (二) 死海浮下浮下篇
           :深導遊以色列 (三) 以色列日出+彩虹 可遇不可求!