去江ノ島出閘就有一個好QQ既欄杆,有人好有心幫佢地織左件衫,由於痴得好實,應該無季節性換衫D回事(更正:朋友們都紛紛說會定期換衣服?)??沿路行有一條好長好似香港大尾篤既單車徑一樣的路,左右兩邊有徐徐海風飄到面上,八分鐘的路程你好似處身係西貢見到美利樓個種好歐陸FEEL,海鷗係頭頂飛來飛去,如果有一包蝦條係手就慘啦,必定成為攻擊/捕獵對像??可能因為近海岸,靠水吃水,四圍都係水產同白飯魚(しらす)?而白飯魚好似成為江ノ島既命脈,白飯魚燒、白飯魚刺身甚至白飯魚丼都有。

再行上去就係一條直通江島神社的主要大道,兩旁勁多小食店,由入口影上去我就好似去左台灣九份咁又細又窄人流多!見有機會試下命脈咪叫個白飯魚刺身食,點知竟然有驚喜,唔腥又有咬口!

一直上就係江島神社,主力係拜大運同財運,個奉納箱都係錢包形狀,力場應該夠力吧~???大排長龍,都係去找我既恋人の丘「龍恋の鐘」(りゅうれんのかね)?名字由來是一個天女同五頭龍相戀的傳說,其實一邊行一路覺得好似到左台灣野柳地質公園,周圍都係岩石!個個觀光客都爬來爬去要影海天一色,不論男女老幼,連貓都要上埋一份!

龍戀鐘係松本潤同上野樹里拍戲的景點,又係以為一個鎖就扣住對方直到永遠?呃三歲細路哥咩?
http://www.enoshima-navi.com/…/koibitonooka-ryurennokane.ht…

其實當友誼之鐘都可以吧?!唔使一定一對對的(自我安慰中?)兜左個圈,又似行左成日山咁,唔該大家唔好學日本女仔咁穿高跟鞋去行!睇見到腳痛???諗住回到長谷去拜大佛,我勸大家去之前CHECK一CHECK個入廟時間,我地就係遲左5分鐘被大佛拒誅門外入唔到廟???與佛無緣的我們只好打道回府吧~我們還有機會再來的!!我信我會再來~