杜如風《關西攻略》｜大阪飲食推介率先睇

杜如風帶大家玩轉東京N咁多次後，今次終於介紹關西啦！講到關西大家第一時間諗到嘅一定有大阪！而講起大阪就一定同「食」分唔開！睇預告就見到杜如風喺今次嘅《關西攻略》都介紹咗唔少大阪美食，即刻同大家率先睇下有咩好介紹先！即刻同大家率先睇下今次杜如風關西攻略有咩好介紹先！

杜如風曾經喺一次訪問度講過一直以為大阪只有食，就睇下佢今次有咩好嘢介紹畀大家！

01 | 勁抵！3,000円一人獨享8道菜蟹宴！

去大阪其中一樣必食就係蟹！除咗大家都知嘅「蟹道樂」，其實仲有唔少地方有平靚正蟹食，杜如風今次就揀咗呢間喺難波嘅個室居酒屋「蟹しぐれ」，唔好以為又個室又居酒屋個價一定好甘，其實3,000円就已有可以一人獨享呢個8道菜嘅蟹宴！抵啊！

擺到成枱都係都只係3,000円！

心齋橋除咗係shopping必去，仲有唔少人氣餐廳！杜如風今次就帶大家去咗一間喺心齋橋嘅人氣和牛店「牛カツ専門店京都勝牛」。店家用嘅係黑毛和牛，而且只係會炸30秒，務求鎖住肉汁又唔會令到啲和牛變乾，脆口得嚟又食到和牛嘅肉味！

為為只係炸30秒，所以仲會見到啲牛肉有啲生，一份咁有份量嘅定食，因應牛嘅份量所以價錢唔同，不過就算係最大份嘅160g都只係 1,480円＋稅，值得一試！

去得大阪無理由唔去黑門市場食嘢，睇預告杜如風都有去，而其中一間就係早前編輯經過都大叫「好香」嘅精肉店。

喺度大家可以食到即燒神戶牛，超正！

去大阪好多人都會順便試下河豚，喺黑門市場就可以買到河豚刺身嚟食，最平2,000円就有交易，買嚟試下都唔錯！

仲可以成條買，想點食都得！

去大阪食章魚燒都算係指定動作，黑門市場都有幾間，數場心齋橋附近嘅，真係多到日日食都試唔晒！但係咁多間，邊間先係杜如風嘅推介？