玩得輕鬆！冇用勿帶！5件 旅行必帶 物品！@Travel佳

Travel佳5件 旅行必帶 裝備

1. 摺疊式旅行袋

無論去邊個地方玩，shopping真係不可缺少嘅行程。買得多自然拎得多，為了「安置」戰利品，就要帶定個摺疊式 旅行袋，容量大但可以摺得細細個，放入行李內剛剛好！

2. 拖鞋

最近有唔少報道，話酒店地氈係細菌滋生嘅高危地區！酒店附設嘅拖鞋，大部分都質地太薄又易爛，曾有朋友試過腳底有小傷口，唔記得着拖鞋就出事，傷口受到細菌感染，出現嚴重發炎！所以記住帶對人字拖，又可以方便去游水玩水，返到酒店又可以保護腳掌！

3. 太陽眼鏡

太陽眼鏡唔止剩係用來遮太陽保護眼睛，鍾意selfie嘅你，就梗係要帶定以備不時之需！玩到天昏地暗，出現大大個黑眼圈同眼袋時，太陽眼鏡就可以幫你一把！

4. 萬用霜

有啲女生會帶一大堆護膚品去 旅行，其實除了基本護膚裝備外，帶點1支萬用霜就可以。萬用霜具有紓緩、消炎、止癢、抗敏、滋潤等功效，有啲更可以用於傷口、暗瘡上，咁就可以1支傍身，世界通行喇！

5. 平板電腦

去 旅行梗係要帶部平板電腦喇！有齊地圖、旅遊資訊，仲可以事先寫定行程邊玩邊記錄，影埋張靚相就可以將美好行程記錄在案，仲可以即時將好玩好笑嘅時刻上載到社交媒體添！

呢啲嘢真係唔好帶！

1. 旅行書

有部平板電腦又使乜 旅行書呢！厚厚重重嘅旅行書絕對係行李嘅負擔，想搵料，上個網就得喇！

2. 相機

又係嗰句，有手機有平板電腦，又使乜帶相機呢，除非你係專業攝影師，對大機情有獨鍾。如果影相技術麻麻，都係帶番部平板電腦好，相片質素有保證，仲可以用唔同apps去「加工」、「修圖」，要幾靚有幾靚！

3. 面膜

好多女仔都話，去 旅行梗係要帶面膜喇，但10個女仔有11個都係帶咗1盒面膜，就原封不動帶返香港，與其「白拎」，倒不如到當地搵啲出名又受歡迎嘅地道品牌面膜去試試！

Samsung Galaxy Tab S3

LTE 版：$5,598

Wi-Fi 版：$4,998