上文提要,介紹了悠遊卡的換領及4種用法按此點閱);

想重溫(A)至(D)的用法,可以按此重溫;到了下篇,小編繼續講講悠遊卡大家會用得著的地方:

(E) 客運

► 台灣大部份的客運(包括市區公車以及國道客運/長途巴士),如國光客運、統聯客運、葛瑪蘭客運、南投客運、嘉義客運等,都可以使用悠遊卡付款,但少部份路線未能使用悠遊卡,所以大家最好上網Check一Check先

► 可以用悠遊卡的路線例子:南投客運/台灣好行日月潭線、埔里線、國光客運金山線、葛瑪蘭客運去宜蘭嘅路線

(F) 公共自行車

(i) YouBike 微笑單車(台北市、新北市、台中市及彰化縣)可以用悠遊卡租借單車,
但必須先於YouBike服務中心、官方網站、官方APP或各租借點登記成為會員,然後先可以用悠遊卡租YouBike單車。

用悠遊卡租YouBike單車,首30分鐘免費(台北市租借單車,首30分鐘費用為NT$5),然後租車起4小時內每30分鐘NT$10,4-8小時內每30分鐘NT$20,8小時後每30分鐘NT$40。
租車時,你喺Kiosk揀好車後就行去拍悠遊卡,確認後即可取車;還車時要先將單車泊好確認上鎖,之後拍卡扣款還車。

YouBike官網:http://www.youbike.com.tw/
Facebook Page:
YouBike大台北粉絲團 – https://www.facebook.com/youbiketaipei/?fref=ts
YouBike中台灣粉絲團 – https://www.facebook.com/youbike.mid.tw/?fref=ts

(ii) 另外,悠遊卡公司與自行車新文化基金會合作,
於新北市河濱自行車租借站原地借還車,可以使用悠遊卡付款。
但唔同車有唔同嘅費用,大家可以上返以下網址參考返。
網址:http://www.cycling-lifestyle.org.tw/station
財團法人自行車新文化基金會Facebook Page:https://www.facebook.com/cyclinglifestyle?fref=ts

(iii) 同時,台北市河濱自行車租借站亦可以於租車時用悠遊卡借車,
包括關渡、大佳、美堤、景福、大稻埕、木柵、觀山、華中、雙溪、彩虹十個租借週都可以使用(雙溪、彩虹只於假日開)。
都係嗰句:唔同車有唔同嘅租車費用,大家可以上返佢地官網睇返。
網址:http://www.ukan.com.tw/4information.html

小編好似淨係講雙北,都好似講漏左一個南部的:
台南有一個觀光自行車叫T Bike,可以用悠遊卡付款的,
但目前只於安平區有三個租借點,分別為古堡一站、古堡二站同水景公園,暫屬試營階段。

(G) 觀光景點及特約商店消費

-台北市動物園、野柳地質公園、台中科博館、國立故宮博物院、台北市兒童新樂園等景點可以用悠遊卡繳付入場費,大家直接刷卡扣款就可以入場

-另外,除了四大超商(7-11、全家、萊爾富、OK Mart)可以使用悠遊卡外,其實台灣有啲商戶都可以用悠遊卡比錢。

例如Starbucks、天仁茗茶、商場/百貨公司如京站時尚廣場、太平洋SOGO、新光三越等的美食街同部份商店,
甚至你去台北一定會行的寧夏夜市,或者誠品部份分店或者康是美,都可以用悠遊卡比錢;
當然,仲有好多特約商店可以使用悠遊卡,大家可以睇返以下連結:
http://www.easycard.com.tw/Upload/PDF/store.pdf

(3) 如何加值?

其實,如果你張悠遊卡負左錢/無錢要加值/增值,做法同香港八達通無咩分別,
你如果喺台北的話,你可以就咁用台北捷運各車站嘅悠遊卡加值機(或者悠遊卡售卡/加值機,部份車站的單程票售票機亦有悠遊卡加值功能)加值,每次加值最少NT$100(單程票售票機不限金額);
你亦可以到台北車站各車站旅客詢問處加值,金額不限。

但係如果你唔喺台北而要加值悠遊卡,你可以到貼有悠遊卡標誌的便利商店(7-11、全家、萊爾富、OK Mart)加值,每次金額最少NT$100。

(4) 總結

總而言之,你帶往張悠遊卡,無論你搭車定買野除了方便自己之外,仲有好多著數。

各位網友如果未有張喺手,記得落機出市區買返張,又或者上台灣觀光協會香港辦事處拎張(上集有講點拎的)。

相關文章
【台中】又平又好食嘅日式火鍋!

【台中】如何從台中機場出發探索台灣?@台灣.日和

It’s Time for Taiwan – Hong Kong and Macau: https://www.facebook.com/itstimefortaiwanhk/?fref=ts

台灣.日和Facebook Page 2000讚好大抽獎現正進行中:
https://www.facebook.com/taiwan.sunlight/photos/a.483704075123790.1073741828.478767495617448/508120092682188/?type=3