小編相信各位網友唔會唔知咩叫「悠遊卡」。悠遊卡類似香港嘅八達通,屬於非接觸式智慧卡,主要方便大家喺台灣搭車或者小額購物(例如去便利店買支水或者買包統一純喫茶)。

但小編最近都收到有網友問悠遊卡,有網友甚至連「悠遊卡」係咩嚟都唔知;因此,小編今天就試試講講關於悠遊卡的二三事,希望幫到網友們解決頭上關於悠遊卡嗰舊雲。

(1) 哪裡可以買到悠遊卡?

我地到台灣旅遊,通常會接觸到兩類悠遊卡:租用版押金式悠遊卡以及晶片式悠遊卡。

租用版押金式悠遊卡:

-押金式悠遊卡普通卡係任何人都可以用,內含押金(按金)NT$100,如果要張卡入面有錢要另外加值的;如果係買優待卡,使用時要出示相關證明文件

-押金式悠用卡只可以喺台北捷運部份車站的愈遊卡售價/加值機、台北捷運各車站詢問處以及悠遊卡公司客服中心租用/購買,便利店係無賣呢隻的

晶片式悠遊卡:

-晶片式悠遊卡普通卡同樣係任何人都可以用,售價NT$100(無得退回的),如果要張卡入面有錢要另外加值的,同埋卡內不設押金;如果係買優待卡,使用時要出示相關證明文件

-晶片式悠遊卡可以喺四大便利商店(7-11/統一超商、全家、萊爾富、OK超商)門市、台北捷運各車站詢問處以及悠遊卡公司客服中心購買

另外,台灣觀光協會駐香港辦事處(交通局觀光局駐港辦事處)亦有為訪台嘅旅客送上悠遊卡,
只要Like左 It’s Time for Taiwan – Hong Kong and Macau​ (https://www.facebook.com/itstimefortaiwanhk/?fref=ts) 嘅Page,
然後帶埋電子機票資料、酒店住宿證明及入台證,上佢地喺TST新港中心辦公室出示返你電話Like左嗰個Page嘅頁面登記核對資料後即可領取,但大家最好問一問協會方面仲有無悠遊卡先。

下一頁:點知捷運咁簡單!悠遊卡4 大使用範圍

相關文章
【台中】又平又好食嘅日式火鍋!

【台中】如何從台中機場出發探索台灣?@台灣.日和

台灣.日和Facebook Page 2000讚好大抽獎現正進行中:
https://www.facebook.com/taiwan.sunlight/photos/a.483704075123790.1073741828.478767495617448/508120092682188/?type=3

(2) 悠遊卡使用範圍

悠遊卡可以應用於搭車、小額消費以及部份公共服務,喺度講啲你會用得著嘅用途:

(A) 捷運

-台北捷運嘅所有線路(藍線板南線、紅線淡水信義線、綠線松山新店線、橘線中和新蘆線、棕線文湖線、貓空纜車)都係可以用悠遊卡的,而每次車程都有8折優惠的

-高雄捷運暫時只可以使用一卡通,預計至下年7月悠遊卡才可用於高雄捷運

(B) 臺鐵

-臺鐵可以搭宜蘭線、西部幹線(蘇澳=基隆=潮州之間)以及六條客運支線(平溪、深澳、內灣、六家、集集以及沙崙線),除了太魯閣號、普悠瑪號、觀光列車、團體列車及其他臺鐵指定列車外,所有車種皆可乘坐,如果車種屬於對號列車就不另劃位

-票價方面,基本會分為全票(成人)及半票(兒童、敬老、愛心),而票價會咁樣去計的:

(i) 如果你搭復興號、莒光號或者區間車,會計返起點與終點之間區間車票價嘅9折(每公里NT$1.46)

(ii) 如果你搭自強號,若然你搭少過70公里/剛剛70公里,會計返起點與終點之間區間車票價嘅9折;若然你搭多過70公里,票價會首先計算70公里的區間車票價的9折,然後再加返超出里程嘅自強號票價(每公里NT$2.27)

e.g.用悠遊卡搭自強號從臺北往臺中(全程165km),票價會係70*1.46*0.9 + (165-70)*2.27 = 92 + 216 = NT$308

-用悠遊卡搭臺鐵記得入站同出站都要先拍一拍卡,如果唔係會收附加費

-東部幹線(蘇澳新=台東=屏東)暫時係用唔到悠遊卡搭的,如果你用悠遊卡搭左呢啲路段,輕則會當你無票乘車並且收返起點至終點之間的實際票價,重則就會加收50%票價,所以去花東記得買定飛啦

另外高鐵暫時只可使用開通左自動加值功能嘅悠遊聯名卡,普通卡係搭唔到高鐵的

(C) 公車

-臺北市、新北市、基隆市、宜蘭縣、連江縣(馬祖)、台南市、高雄市、金門縣、新竹市嘅公車都可以使用悠遊卡乘坐

-臺中市公車亦都可以使用悠遊卡乘搭,而且上、下車拍悠遊卡10公里內免費,所以去臺中記得帶定張悠遊卡啦

(D) 渡輪

– 台北航運旗下航線,包括你從淡水老街去淡水漁人碼頭或者八里一定會坐到嘅渡輪,都可以使用悠遊卡付款

– 高雄市渡輪由鼓山碼頭/新光碼頭往來旗津,以及前鎮渡輪站往來旗津中洲嘅渡輪,皆可使用悠遊卡付款

(待續…)

相關文章
【台中】又平又好食嘅日式火鍋!

【台中】如何從台中機場出發探索台灣?@台灣.日和

台灣.日和Facebook Page 2000讚好大抽獎現正進行中:

https://www.facebook.com/taiwan.sunlight/photos/a.483704075123790.1073741828.478767495617448/508120092682188/?type=3