去旅行最怕爆篋，尤其去完日本掃貨，回程check-in時好驚行李過咗20kg！但叫我買少啲就冇可能喇！惟有出發前盡量幫個篋減磅！天才Elaine聽班貪靚姊妹講，Olay最近出咗支 多用途 美白油 ，可用來做sleeping oil、混合粉底液上妝，甚至做髮尾油，去旅行帶1支頂3支！上星期行萬寧、屈臣氏見到，價錢OK唔貴，於是買咗支試用，功效又幾好，出trip/旅行時帶埋佢，個篋又可以鬆動啲買多啲~

1. 潤過mask！睡前補水

暑假咁熱，日頭曬完，夜晚一定要敷mask補水，但帶成盒面膜太麻煩！用Olay呢支美白油方便啲，當sleeping oil用，臨瞓前將3至4滴油搽上面再推開，第二朝塊面水潤咗，膚色冇咁暗。搽幾滴上面都唔使1分鐘，night cream同mask都慳番，啱晒我呢啲大忙(懶)人。


用後感：
搽油上面後幾分鐘就吸收晒，幾清爽，唔會立黐黐，仲有陣柑橘檸檬味，好清香聞兩聞會瞓著～可順手按摩下眼周，對眼會冇咁腫~


 

 2.上妝更貼服

去旅行玩得夜，第二朝會有啲難上妝，好易浮粉。支美白油都幫到手，將1滴油同1毫子大的粉底液混合，搽完先上乾粉，明顯比齋搽粉底液貼服！塊面夠潤，就唔會太乾唔上妝批灰咁。XD 支油質地幾輕透，唔覺立，夏天用都OK，同埋用咗冇咁易溶妝。



可在化妝棉上/在手背上混合再搽上面，妝容貼面夠薄又有光澤。

上面係加咗油的粉底液，較下方未加的潤得多，且較易推開唔起粒。

3. 髮尾油都得？！

由於我成日染髮，髮質有啲垃圾，所以有用開hair mask的習慣。但又懶得裝啲入樽仔放入篋，所以攞咗支Olay油來搽髮尾。雖然支油本身for搽面，但原來當髮尾油都OK，吹到個頭7成乾時搽少少，再等佢自然乾，髮尾冇咁開叉。雖然未去到焗油咁滑，但想幫髮尾快速急救都幾啱用，平平哋粗用算幾抵。

 

PS：試完支油覺得幾好，啱啱又見到Olay有個優惠套裝，買1支淡斑精華再送3支mask lotion同3塊面膜，兩百零蚊有7樣嘢好抵咁，好啦！一於入貨~~