上次小編同大家講完悠遊卡,今次我地講下台灣另一種同香港八達通差唔多的電子票證-「一卡通」。

如果各位網友有搭過高雄捷運,你係發現你張悠遊卡係用唔到的(閘機上寫明「悠遊卡不適用」),你要另外買張「一卡通」(又稱iPASS)先可以搭到高雄捷運;

但今時今日,「一卡通」唔止局限於台灣南部先用到,其實全台灣不論是運輸和商店,都可以用一卡通付錢。所以今天小編又再同你睇睇一卡通點樣南北以至全台灣通殺!

分頁捷徑:

(1) 哪裡可以買到「一卡通」?

「一卡通」的種類,比起悠遊卡的更容易分,各位到台灣旅行,通常只會用到「普通卡」同「一卡通聯名卡」。
「學生卡」同「社福卡」因為要證明到你係台灣的學生(前者) / 另外向縣市部門登記,因此我地用唔著的。

注意事項

  • 普通卡係任何人都可以使用,每張售價NT$100(不可退還),卡裡係沒有儲值的,你要另外加值先會有錢搭車/俾錢的
  • 普通卡可以在四大超商 (7-11/統一超商、全家、萊爾富、OK超商)、台北捷運各車站服務台、高雄捷運各車站服務台、一卡通台北/台中服務中心等地方買到
  • 另外,而家台中機場嘅FLY COOL以及高雄機場嘅金建旅行社(位於一樓入境大堂)都有售賣一卡通,大家去台中或者高雄可以喺呢兩度買一卡通
  • 至於一卡通聯名卡,呢張除了可以當一卡通用外,仲可以當信用卡用;一卡通聯名卡可以唔駛比NT$100售價,而且還有自動加值功能,
    而且當用作信用卡時NT$3000以下的交易可以不用簽名就能付錢。如果要申請,要經返台灣當地銀行(e.g.台新、彰銀)申請
  • 卡通聯名卡Reference: https://www.i-pass.com.tw/Brandedcard

(2) 使用範圍

同悠遊卡一樣,一卡通可以應用於搭車、小額消費以及部份公共服務,但其實佢可以使用的範圍不再局限於台灣南部,以下小編講啲你會用得著一卡通的地方:

(A) 捷運及輕軌篇

  • 台北捷運:所有線路(藍線板南線、紅線淡水信義線、綠線松山新店線、橘線中和新蘆線、棕線文湖線、貓空纜車)可以使用一卡通,但要用闊閘機進出收費區;
    同悠遊卡一樣,每次車程都有8折優惠,而且亦享有捷運公車雙向轉乘優惠
  • 高雄捷運:當然可以用一卡通,普通卡每程車費85折優惠,而且享有捷運公車雙向轉乘優惠;另外可以加購高雄捷運1日/2日兩日通行程,可以在效期內無限次乘搭高捷
  • 高雄輕軌:現時試營運期間持一卡通可免費乘坐,現時可以直接到C1籬仔內站、C2凱旋瑞田站、C3前鎮之星站或C4凱旋中華站上車,無需預約
    延伸閱讀:全亞洲首條無架空電纜的輕軌

下一頁:如何用「一卡通」搭臺鐵?

(B) 臺鐵篇

  • 其實操作上跟悠遊卡的大同小異的,小編亦都不免其煩講一次:
  • 一卡通可以搭宜蘭線、西部幹線、屏東線(蘇澳=基隆=枋寮之間)以及六條客運支線(平溪、深澳、內灣、六家、集集以及沙崙線),
    除了太魯閣號、普悠瑪號、觀光列車、團體列車及其他臺鐵指定列車外,所有車種皆可乘坐,如果車種屬於對號列車就不另劃位
  • 票價方面,基本會分為全票(成人)及半票(兒童、敬老、愛心),而票價會咁樣去計的:
    • (i) 如果你搭復興號、莒光號或者區間車,會計返起點與終點之間區間車票價嘅9折(每公里NT$1.46)
    • (ii) 如果你搭自強號,若然你搭少過70公里/剛剛70公里,會計返起點與終點之間區間車票價嘅9折;

  • 若然你搭多過70公里,票價會首先計算70公里的區間車票價的9折,然後再加返超出里程嘅自強號票價(每公里NT$2.27)
    • e.g.用一卡通搭自強號從基隆往臺中(全程193.3km),票價會係70*1.46*0.9 + (193.3-70)*2.27 = 92 + 280 = NT$37
  • 用一卡通搭臺鐵記得入站同出站都要先拍一拍卡,如果唔係會收附加費
  • 東部幹線(蘇澳新=台東=加祿)暫時都係用唔到一卡通搭的,如果你用一卡通搭左呢啲路段,輕則會當你無票乘車並且收返起點至終點之間的實際票價,重則就會加收50%票價,所以去花東記得買定飛啦
  • 值得一提,台灣高鐵係用唔到一卡通的,所以賣飛啦!
  • 下一頁:如何用「一卡通」搭公車和渡輪?

    (C) 公車篇

    • 台灣六都的市區公車(台北市、新北市聯營公車、桃園市公車、台中市公車、台南市公車及高雄市公車)皆可使用一卡通付款
    • 台中市公車和悠遊卡一樣,市區公車頭10公里免費,即使過左10公里,最高只收NT$60,所以去台中如果無悠遊卡,一卡通都可以幫到你
    • 台南市公車用一卡通搭車,六大幹線、支線公車頭8公里免費;公車轉公車有NT$9轉乘優惠;臺鐵轉乘公車亦可有NT$9轉乘優惠。
    • 高雄市公車用一卡通搭車,每日的第三程開始可免費搭車,而公路客運、旗美國道快捷有NT$12 Discount,最高收費60元。

    (D) 渡輪篇

    • 台北航運旗下航線,包括你從淡水老街去淡水漁人碼頭或者八里一定會坐到嘅渡輪,同樣可以使用一卡通付款
    • 高雄愛河太陽能船都可以用一卡通付款,方便你坐船遊覽愛河水岸
    • 高雄市渡輪由鼓山往來旗津,以及前鎮渡輪站往來旗津中洲嘅渡輪,皆可使用一卡通付款,而且用一卡通乘坐兩條航線,普通卡都可享8折優惠
    • 金門縣渡輪由水頭碼頭(大金門)往來九宮碼頭(小金門)的渡輪航線都可以使用一卡通付款

    下一頁:「一卡通」南部觀光景點都用得!

    (E) 觀光景點

    台灣南部某些觀光景點可以使用一卡通繳付門票或入場費,
    例如義大摩天輪、台東國立臺灣史前文化博物館、安平古堡、安平樹屋、赤崁樓等

    (待續…)


    台灣.日和Facebook:www.facebook.com/taiwan.sunlight

    一卡通iPass官網:www.i-pass.com.tw


     

    相關文章