芬蘭,點止姆明、AngryBird 或者聖誕老人點簡單?!唔熟芬蘭人,一般會覺得佢地好cool、好悶、唔好玩。其實你只要成為佢地一份子,你會發現佢地只係表面斯文,內裡open,仲可以玩到好癲!冬天芬蘭有咩玩???等我介紹返!!!

撰文:狼之
相片:狼之、芬蘭旅遊局、網上圖片
鳴謝:芬蘭旅遊局

狼之的背包:http://www.facebook.com/auo.page
狼之blog:http://leechunheifrancis.blogspot.hk/

1. 【桑拿吖!唔該!】
芬蘭嘅核心價值其實係桑拿 (Sauna) !有事浸桑拿,無事浸桑拿,開P都會浸桑拿!!桑拿又稱為芬蘭浴,喺芬蘭已經超過2,000年歷史,係淨化身體和心靈的場所。所有人都會坦蕩蕩咁入去,作為一種修行。平時唔多兩句的芬蘭人,會喺桑拿房入面傾計social吓。如果芬蘭人邀請你一齊浸桑拿,表示佢當你勁friend已經!(同埋唔可以拒絕架,唔係佢地會嬲嬲豬)

2. 【冰釣!給我一條魚,可以不可以?】
在結冰的湖 / 河流上釣魚 (Ice Fishing),就係芬蘭人冬季傳統活動。用特別工具在冰上鑽個洞,攤張鹿皮,就係咁成日就係守侯喺到捕大魚,最大嘅鱸魚可以高過正常成年人架!不過玩果時記得小心薄冰,唔覺意跌落水就真係凍到high high喇!!

3.【國慶睇直播!史上最長握手會】
每年12月6日係芬蘭嘅獨立日即係國慶,全國國民「今天只做一件事」, 就係返屋企睇電視喇!!芬蘭嘅CCTVB會直播「芬蘭總統握手會」,而呢個活動直情勁過陳奕迅握手會,總統會同對芬蘭有貢獻人仕、明星、Angrybird爸爸等2,000多名名人逐一握手,握足4粒鐘!有時我喺到諗……究竟芬蘭總統企足4粒鐘犀利啲?定睇足4粒鐘嘅電視迷犀利啲?年輕一輩的,梗係開開心心Party Time!!

4.【鬥無聊!聽都未過的比賽】
芬蘭又名Nokialand,凍冰冰無嘢做最興搞無聊比賽!例如揹老婆比賽、扔電話(Nokia)比賽、空間結他大賽等等。而小編今次去嘅時候就發現呢個「聖誕樹設計比賽」,當中最搞鬼就係呢棟「半天掉」的聖誕樹!你睇佢地真係可以乜都玩一餐!

仲想知有咩比賽…..
http://abt.cm/1vblZQz

5.【聖誕style‧齊齊做聖誕老人】
作為聖誕老人地頭,點少關於聖誕的活動。坐馴鹿越野車(Reindeer safari)幻想聖誕老人係點派禮物,又或者去聖誕老人村同聖誕伯伯say個hi。而一家人齊齊整整飲Hot wine就係佢地喺聖誕最重視環節!