為咗睇下南美足球究竟有幾勁,小編等地走入街頭,同啲小球星切磋球技。

敗北應該係早知的結果,差在輸幾多姐……

浪遊南美專頁:http://bit.ly/Q819oJ

懶有型影張Chok相先!

其實當時只係路過,見到一班10歲倒嘅小朋友睇波即刻興奮起來,衝咗過去踢兩嘴。在蒙特維多嘅海邊踢波已經好正,仲要望住夕陽西下,此情此景諗返真係可遇不可求!雖然途中俾人通坑渠無數次,將我玩弄於股掌之中,但都係好開嘅!為咗唔輸太多,最後唯有用身位去令自己輸少啲啦。以下為踢波嘅部份片段……真係慘不忍睹!

故事的結局?太屎的我只能乖乖地走去守龍吧!

雖然個個小朋友年紀輕輕,但佢哋球技已經勁過我好多!

木造的龍門架,殘舊的建築物,賣廣告啲畫面咪呢啲囉!

「踢波最開心嘅地方,就係可以同隊友一齊成長!」

夕陽下踢波嘅畫面真係好正!

被通坑渠四格圖!

小哨牙蘇同C朗!

老友鬼鬼合照1

老友鬼鬼合照2

不過同佢哋踢波嘅時光真係好開心,一個足球將所有小朋友團結起來,亦睇得出佢哋對足球的熱誠!相信科蘭、蘇亞雷斯、卡雲尼等球星都係經過長時間嘅努力先達到今日嘅高度!南美嘅足球文化很值得尊敬!