亞視畀我嘅印象,除咗「happy birthday to me」,就係張家輝嘅名句:「X你個街,亞視嚟嘅?」估唔到,原來佢哋曾經有個節目,叫做「香港十大勝景選舉」。節目有咩嘉賓,有咩主持,可以唔使理,總之佢係由郊野公園之友、以及漁護署選咗十個香港最靚嘅郊野景點,咁都算係專業推介咁啦。HK_ten_place

*請尊重自然環境,自己垃圾自己帶走,切勿喧嘩或影響居民,做好本分,一同享受這城市的美好風景。

十大勝景如下(排名不分先後):

1. 大浪西灣

西貢三大靚海灘之一,出名水清沙幼。可從西貢墟或北潭涌乘坐的士或村巴至西灣亭,步行40分鐘左右到(落斜時間,回程上斜預個Double啦)。

HK_ten_place1

交通:由西貢市中心乘 29R 號往西灣亭專線小巴,在西灣亭下車。依照指示牌沿旁邊的西灣村小徑步行約1小時,便可到達西灣村及大浪西灣

2. 東平洲

香港最東島嶼,岩石景色獨特。據聞近年島上士多已告結業。逢星期日有渡輪由馬料水開出,詳情: http://www.traway.com.hk/02/index.html

HK_ten_place2

交通:在星期六、日或公眾假期,由馬尿水乘搭街渡前往,最早由馬料水開出的班次是 9 時正,回程是 5 時 15 分。

3. 香港濕地公園

位於天水圍,可遠眺米埔。對平時少行山嘅朋友嚟講,呢個亦係近距離接觸濕地動植物一個最方便地方。可於天水圍西鐵站乘輕鐵至濕地公園站落車。HK_ten_place3

交通:乘搭西鐵線於天水圍站轉乘輕鐵 705 路線,於天秀站(經隧道)或濕地公園站(經天橋)到香港濕地公園。途經濕地公園的巴士/小巴路線有618 專線小巴、967  城巴、276B  九巴、E34A  九巴。

4. 萬宜水庫

全港最大水塘,位於地質公園內,可觀賞甚有特色之六角柱火成岩。亦因為光害較少,被天文愛好者選為全港最佳觀星地點。可由北潭涌步行到達,需時兩小時左右。

HK_ten_place4

交通:前往萬宜水庫,最便捷的方法是乘坐巴士至上窰,再沿大網仔路上行若15分鐘至水庫的西岸。途經交通工具有:94 巴士、 96R  巴士、 7 號小巴和 9 號小巴。

5. 浪茄灣

浪茄與大浪西、鹹田灣並列西貢最靚海灘頭三位。浪茄出名清靜(以前啦),原因係較少遊客,因為閒閒地都要喺萬宜東壩步行一個鐘先可到,一般人唔會去咁遠游水囉。

HK_ten_place5

交通:西貢巴士總站乘 94 、93R 及 96R 巴士至上窰站落車,下車後沿麥理浩徑第一段到浪茄約3小時。或由北潭涌閘口乘的士往東壩盡頭下車, 沿山路走約30分鐘到浪茄。

下一頁:更多推介 香港5大睇靚景地方

6.太平山頂

都唔使多講啦,咁大路。

HK_ten_place6

交通:可以選擇乘搭山頂纜車,亦可以乘坐公共巴士前往山頂凌霄閣,例如:由中環往返山頂的15號巴士、由天后站往返山頂的 15B 號巴士。

7.大澳

除咗擁有碩果僅存嘅漁村景物外,大澳其實係香港睇日落最理想嘅地點。要去嘅話,可由東涌或梅窩坐巴士,或由屯門坐船到。

HK_ten_place7

交通:前往大澳,可乘搭以下地點的巴士路線:新大嶼山巴士的1、N1、11 及 21,分別由梅窩、東涌及昂坪開出。

8.印洲塘

位於新界東北大鵬灣嘅內海,以恬靜、風景幽美聞名。英文名稱為「Double Heaven」,真係讚到天上有地下無。要觀賞印洲塘風景,可由鹿頸、烏蛟騰或三椏村等地望出海。

HK_ten_place8

交通:前往荔枝窩乘搭渡輪穿越印洲塘,渡輪只限於星期日及公眾假期提供服務。從大學站B 出口步行15 分鐘至馬料水三號梯台乘搭渡輪,航程約為1小時30分。

9.梧桐寨

全港最大瀑布群,位於大埔林錦公路側,大帽山山腳。包括四部份:散髮瀑、主瀑(長瀑)、中瀑(馬尾瀑)及下瀑(井底瀑)。進入路線:大埔墟乘巴士64K,到梧桐寨站落車上山。注意:呢條山梯級甚多。

HK_ten_place9

交通:乘搭巴士 64K、64P、65K,在梧桐寨站或牛欄窩站下車。或新界專線小巴 25 號在梧桐寨站下車,經梧桐寨村前往瀑布。

10.鳳凰山

全港第二高山峰,以睇日出聞名。而佢靚嘅地方,就係位於香港西邊,晴空萬里時,可遠眺太平洋。登鳳凰可由昂坪或伯公坳上山,以後者較易,但仍屬五星高難度級別。

HK_ten_place10

交通:於港鐵東涌站B出口的東涌纜車站乘搭纜車至昂坪纜車站,車程約25分鐘,下車後向鳳凰徑走約25分鐘。或從港鐵東涌站B出口的巴士總站,乘坐23號巴士至昂坪市集,車程約50分鐘,向鳳凰徑走約25分鐘。

*請尊重自然環境,自己垃圾自己帶走,切勿喧嘩或影響居民,做好本分,一同享受這城市的美好風景。

延伸閱讀:

初春來臨 | 本地花期預想+7個賞花好去處

放工/週末都去得 | 本地10個拍拖談心好去處

週末推介 | 葵涌11間DIY手作店