我同大少都係”冰與火之歌”,即係電視劇”Game of Thrones”嘅Fans,咁Dubrovnik就係其中一個拍攝場地,位於克羅地亞南部海邊,坐巴士由Split去嘅時候,無啦啦會經過Bosnia&Herzegovina,不過又唔需要落地過關嘅,只係巴士一入一出個海關,原本兩個幾鐘嘅車程,坐左好似4,5,6個鐘,真係去東歐坐巴士係一大挑戰。係巴士總站落車,你可以轉巴士或者的士去old town門口,我同大少得兩個人,梗係坐巴士啦!

今次可算係我第一次去一個歐洲古城,一個停留左係十幾世紀嘅古城,我揹住一個超大backpack,行入城牆內,好似走過時光隧道咁,Dubrovnik嘅城牆係世界聞名,其中一個保留得最完整的。


東歐 , Croatia , 克羅地亞 , Dubrovnik , 杜布羅夫尼克 , 歐洲
我地揀左住係old town入面嘅Hostel,咁方便D去試吓做古代人嘛,係得城牆內嘅建築物都有留咁上下歷史,到左Hostel之後,揹住個廿幾KG backpack上去時,條樓梯係”eat eat”聲架,朝早九點幾出發,settle down完已經差不多日落喇,係東歐,轉場嘅日子真係唔講得笑,有D辛苦。

係Dubrovnik,最好就係唔好攞住地圖,四圍慢慢行,如果你唔係超好腳力,行到勁遠,又或者超無方向感,否則你係唔會盪失路嘅,我地第一日就係遊下遊下,一路行一路搵餐廳食晚餐,呢種都係一種好relax嘅旅遊模式。

東歐 , Croatia , 克羅地亞 , Dubrovnik , 杜布羅夫尼克 , 歐洲Dubrovnik係沿海吖嘛,所以seafood都係出名的,我地梗係有試,記得果個大蝦risotoo,真係好味,平時唔食海鮮嘅我都食到”lam lam”唎,係果度兩晚,兩晚都食海鮮呀!而午餐就可以食D簡單嘢,咪又係pizza,burger囉!話時話,克羅地亞嘅炸魷魚係特別好食,大家不妨試試。Dubrovnik係沿海吖嘛,所以seafood都係出名的,我地梗係有試,記得果個大蝦risotoo,真係好味,平時唔食海鮮嘅我都食到”lam lam”唎,係果度兩晚,兩晚都食海鮮呀!而午餐就可以食D簡單嘢,咪又係pizza,burger囉!話時話,克羅地亞嘅炸魷魚係特別好食,大家不妨試試。

東歐 , Croatia , 克羅地亞 , Dubrovnik , 杜布羅夫尼克 , 歐洲至於景點,就係自由地係old town行,行出old town,稍稍行上山去欣賞呢個古城嗁全貌啦!保留可以話係好完整嘅,係”Game of Thrones”入面,呢度係Kings Landing取景嘅地方,舊城中最大個廣場,就係Eddard Stark斬頭果度,當然後製要加入大量CG啦!

東歐 , Croatia , 克羅地亞 , Dubrovnik , 杜布羅夫尼克 , 歐洲


而最出名,世界上其中之一保留得最完整的城牆,我地梗係有行啦!仲慢慢行,慢慢影相,咁就玩左一朝,我地有碰到一D香港旅行團,佢地只有1個鐘係城牆上,點會夠行一個圈,莫講話要睇風景吖,所以自己揹backpack先係我杯茶。

東歐 , Croatia , 克羅地亞 , Dubrovnik , 杜布羅夫尼克 , 歐洲講番個城牆,環繞左一整個old town,係上面居高臨下睇個舊城,大部份屋項都係橙色,哈,我諗大部份人想見到嘅都係呢一片景象。而城牆另一邊就向海,Dubrovnik嘅海景都好正,真係值得親身去感受一下。

東歐 , Croatia , 克羅地亞 , Dubrovnik , 杜布羅夫尼克 , 歐洲


城牆上最高既一個位,能看到整個舊城

東歐 , Croatia , 克羅地亞 , Dubrovnik , 杜布羅夫尼克 , 歐洲建議冬天留三日兩夜真係好足夠,夏天當然要預番時間去玩水啦,呢度水上活動都好有名,kayak,fishing呀!仲有跳崖,我見hostal都有介紹邊個位係熱門跳崖,有膽量嘅記得挑戰一下喇!
東歐 , Croatia , 克羅地亞 , Dubrovnik , 杜布羅夫尼克 , 歐洲


輕輕鬆鬆係Dubrovnik過左兩日,第三日一早我地就出發坐巴士,又用左一日先去到Mostar,順路嘅關係,去完Mostar,我地會再入番克羅地亞嘅首都Zagreb。我再強調係東歐坐巴士轉場,你可以預定一日啦!