搭開飛機都知,其實飛機餐嘅選擇係一定唔夠分,因為航空公司好難吓吓預計倒乘客嘅口味,所以總有一兩次你想食果個雞飯無晒,然後個空姐好慘慘豬咁求你接受佢個番茄意粉…

唔想硬食個自己唔鐘意嘅飛機餐?一早 book 定屬於你自己嘅特別餐啦!

三大熱門 特別餐 一覽

1. 水果餐:新鮮健康之選!

fruit meal
圖片來源 http://philjchun.pixnet.net/album/photo/188140524

顧名思議成個餐充滿水果,其實飛機餐非常油膩,所以有好多精明嘅飛機常客係會預訂水果餐。私心建議要在亞熱帶地方離港航班預訂!例如係泰國、台灣嘅水果特別新鮮好味!講起都好想食泰國嘅芒果同西瓜!真係好 juicy㗎?

2. 兒童餐:日韓零食超吸引!

PicsArt_07-03-08.26.29
圖片來源 http://blog.xuite.net/hys0124

兒童餐個樣幾時都咁吸引,無計啦,因為係設計比小朋友食,望落去一定比普通飛機餐吸引~ 不過呢!得意同好食嘅程度可以因為喺唔同城市生產而差好遠!根據我派餐多年經驗,日本同韓國嘅兒童餐係最靚、最豐富同最好味道!啲零食多到我派餐果時都想偷食~大家下次識幫小朋友點啦(然後同小朋友掉轉食?)

3. 印度餐:絕對會令你感到意外!

PicsArt_07-03-08.24.12
圖片來源 http://article.cool3c.com/bookmark/info/

PicsArt_07-03-08.24.29
圖片來源 http://article.cool3c.com/bookmark/info/

如果你鍾意去重慶食印度菜,咁你一定要試試航空公司嘅印度餐!講個秘密你哋知,空服員可以享用餐飲服務之後餘下嘅飛機餐,而印度餐通常都係最受空服員歡迎果個!果塊印度麵包,Naan,熱辣辣,點醬食,好好食啊?

其他比較熱門嘅特別餐仲有素食餐、低卡路里餐、無牛肉餐、糖尿病餐等,多到講唔晒,不過知咁多有乜用丫~ 反正你都唔會想食果啲淡茂茂嘅特別餐架喇。總之個人覺得最正嘅就係以上三款架喇?

最後順帶一提,order 咗特別餐嘅乘客係可以食先,唔使等空姐慢慢派餐㗎? 啱晒空肚上飛機嘅你呀!想知點樣預先訂購特別餐?兼職空姐姥姥睇吓有幾多人表態先寫啦~吃貨們仲唔留言話我知你想食!哈哈哈哈。


BTW 感謝讀者支持,我個 Page 開左唔夠三個月已衝破 4000 likes… 要繼續支持我啊❤

FB: 兼職空姐姥姥

https://m.facebook.com/parttimelolo/


下一頁:空姐 不是大力士 | 餐飲服務篇 

延伸閱讀:

空姐空少同你慶祝生日 | 搭飛機 生日 點玩法?

空姐迷思 | 10 大唔好再問我的問題!你問我答