一個人隨著經歷成長而改變,同樣地一個城市亦會隨著時代轉變而改變。

馬賽(Marseille) 曾經係希臘人殖民地,建立作為一個重要貿易港口,連接著非洲同歐洲市場。隨著時代轉變,現在馬賽著重發展歷史文化保育同埋旅遊。


轉型需要時間,但短短1日既時間,我已經愛上了馬賽,因為她實在太可愛了XD

馬賽舊港停泊著好多遊艇遊船, 亦都有漁民係到捕魚,然後再係到賣。


好搞笑,發現 d 海鷗會成日偷魚,所以商販都會放定一箱唔知係咩既食物比海鷗XD

係到坐下, HEA下, 都幾寫意XD


呢個upside down 又幾得意wo, D人照鏡都可以向上望呀!

要短時間認識一個地方, 最好更係跟當地導遊啦! 我地用左半日就行左成個馬賽舊港附近喇!


將成個歷史建築移去另一個地方保育, 真係唔敢相信呀!

有相為證架!!!


呢邊既建築好唔襯馬賽舊有既建築呀! 點解呢? 原來係因為呢邊個D 都係戰後建既, 當時因為太多人冇屋住喇,要快又住得多人, 所以都比較簡化。

行行下行到呢座希臘加羅馬式建築, 呢個原來係博物館,剛剛有個Face Exhibition!


可惜冇時間慢慢欣賞, 咁就係到坐下感受下藝術氣氛啦! XD

走進藝術街頭……


發現一間好有日本MIX 歐洲特色風格既Art Gallery

佢地係到為d藝術品上色中呀!


哈! 原來呢個碗既設計靈感係黎至呢個設計師個樣架wo, 好得意呀!

又行下行下, 就登上左最高位, 俯視成個馬賽舊港,好壯觀呀!!!


馬賽真係一個好吸引既地方,仲有潛水玩添架, 好多好多地方想去, 1日又點玩得晒呢!

不過行程緊密,之後又出發去另一個城市喇! Yeah! 係法國搵到英式既underground 又幾配合今次英法之旅wo! XD

只要Keep going, 就會keep changing…