旅行就係要係唔同既城市發掘同品嘗唔同既味道,然後尋找屬於自己既味道……



南法橘郡( orange ) 有既並唔係橙味,而係古羅馬時代既歷史味道。
橘郡係西元前35年曾經係羅馬人既殖民地,遺留左好多羅馬時代既古跡。

凱旋門唔係巴黎先有,係橘郡都有架,係西元前二十世紀建造,面積比巴黎個個細大約一半。

上面刻左高盧人(前法國人)同羅馬人戰爭史,雖然已經剝落唔少,但反而有種歲月痕跡既味道!


呢個係橘郡既古羅馬時期既古代劇場,可以話係保存得相當完善。

中間仲雕刻左古羅馬帝國第1代皇帝奧古斯都既雕像,場地圓拱形設計,收音有環迴立體聲響既效果。現在呢個場地除左係博物館,有多種語言語音導賞外,亦都會用黎舉行一d音樂節同表演,有種古今交錯融合既味道呢!


由劇場望出去既橘郡

南法山丘上既小城鎮,有著特色既鄉村味道。

葛德(Gordes) 特別既地方就係階梯狀環繞而建設既城鎮,係對面欣賞,有種山寨城鎮感覺。


係個到有好多呢d 石屋, 據說話拎走一塊石, 成幅牆都會掉下來, 哈! 不過要拎起一塊都幾難XD

魯西永 (Roussillon)係黃土原料產區,成個城市都係由黃土建造架,去到山涯位就會見到變左紅色,其實泥土係會因應天氣同太陽位置唔同而產生變化。黎到呢到諗起烏魯魯既一片紅土,真係好神奇呀!唔同城市亦都會有相近既味道呢!


呢邊係魯西永 (Roussillon)既小城區, D 屋都係偏黃色為主。

法國人wine 當水飲,所以係呢方面就更係夠講究啦!


唔同地方生產唔同類型既wine,都要好專業先分到,今次我地就係酒莊試左white wine 同red wine, 有專人教我地點樣品嘗。

哈,我對酒就更係一d 都唔識啦XD

首先,要拎杯底,如果拎上面或者中間,手既熱力會影響酒既味道。之後就傾斜少少,睇下顏色,同埋聞下咩味道,最後就搖下轉下,少少少少禁品嘗XD,雖然都唔係好清楚個d味道,但黎得法國唔品嘗下wine 又點得呢!


一個唔識wine既人,品嘗到既會係咩味道?XD 哈,有種想脫離現實既味道。

南法係6月散發住陣陣既薫衣草味道,有種係北海道?瑛既感覺。呢到既薫衣草田園大多數私人擁有,所以我地只可以係前面影相,唔可以入去同採摘架。同埋要小心d蜜蜂,因為薫衣草旁有好多。


要深入了解,我地仲去埋薫衣草博物館,個到好詳細講解薫衣草既歷史,提煉過程,各種機器,用途等等。

上面係古時收割薫衣草既工具,而下面就係分辨真假薫衣草精油既工具啦! 真係見都未見過呀!


我自己就好鐘意薫衣草味道,有種好清爽舒緩既感覺。

屬於自己既味道,有時候可能講唔出,點都要試過先會知道。