要深入了解一個地方,最好就由當地人帶路喇! 佢地會話你知個個地方嘅小故事同帶你去留意一d特別嘅事物。

我地住個間Hostel (YHA ST. PANCRAS)會安排d Free Walking Tour,包括西倫敦同東倫敦,每日大約11:00-12:00pm 開始, 為時大約2小時。

西倫敦路線由Green Park 開始,經白金漢宮、西敏寺等等,會講番由羅馬時期到現在嘅倫敦故事。(可惜唔夠時間去T^T)

好彩係倫敦最後1日, 我地參加左東倫敦walking tour

YHA London
http://www.yha.org.uk/hostel/london-st-pancras

而東倫敦路線由Liverpool Street開始,主要係介紹Brick Lane街頭藝術。

哈! 記得第1日到倫敦,盲鐘鐘咁去左Liverpool Street,我嘅結論係同中環好似,有商業大廈,亦有古典建築。

文章重溫:
英法自由企劃 [熟悉的.陌生的 ] Day 10
http://gotrip.hk/discoverneo/article?id=37001

唔識玩原來真係會錯過左好多野XD

Dirty Dicks

真係唔講都唔知,呢間野原來有個悲慘故事。有個男人可以話係全城最有錢,打算同佢心愛嘅女人舉行盛大婚禮,結果係結婚當日就去世,個男人非常激動,崩潰到困自己係屋入面,唔飲唔食唔沖涼,咩都唔做,之後屋內就更係好骯髒,好似話有d 老鼠入去都比佢釘左係牆,最後他就係咁就去世……之後d人想睇下他有幾骯髒,所以都慕名而黎,唔知點解慢慢就變左間bar喇! 哈! 唔知入面又會係點呢? 大家有機會經過,不防留意一下啦!

估唔到係商業大廈下面都有呢個好似出土文物咁嘅遺址!

仲有室內嘅trade market,主要都係賣乾貨,如衣服、飾物等等。

唔知你有冇發覺好多街頭藝術都係有d反社會思想嘅元素呢?

可能同呢一帶嘅歷史背景有關,呢到係比較貧窮一區,而且曾經有過種族問題。

呢張好有通緝嘅感覺XD

有反派角色小丑,勁神似呀!

No thought control!!!

有被醜化嘅英女皇, 然後有句tagline “我希望有一日,我地會有最好嘅, 足以令我地分到其餘嘅”,係咪有少少貧富相距嘅訊息呢!

哈!呢個好似打機咁嘅場景,好搞笑呀!

D 箭射去邊呢?

原來係對面嘅大廈~

呢個好有圖騰嘅感覺,好細緻呀!

今次有當地人帶路,轉入橫街小巷,發覺同我上次行嘅路好唔同,亦都發掘到更多東倫敦嘅特色。

旅程話咁快就完結,好開心今次我冇錯過到英法自由企劃,又累積左好多個第1次喇!XD

今次短短嘅”工作假期”體驗,發掘到唔同嘅自己,亦都會見到自己嘅不足,哈! 平時係香港太溫室小花喇, 所以先要出走一下XD

相信真正工作假期,遇到嘅考驗會更多,大家又準備好未呢?