你有冇試過臨出發唔見護照?!記者兩月前成功在遺失護照的情況下,即日申請臨時 BNO Emergency Passport 隔日上得機,就深明事頭婆係幾咁偉大!話說記者臨飛Melbourne當日先發現唔見passport,上唔到機後第二日唯有馬上展開我的頻「撲」Passport之旅,方發現兩邊速度同態度係差天共地……

圖、文:Nicole

入境處求情效 職員無情講

小記遺失的是特區護照,於是晨早8點撲去入境處,趕在9時開門前排隊拎籌辦理証件。由於入境處不設特快窗口處理此類案件,一切都循正常程序,苦等兩個鐘才輪到我交表,並乘勢跟職員表明有急事需見主任。

bno2
入境處主任每日應對太多求情案件,所以即使面對死人塌樓都一視同仁。事發當日小記聽到前面個苦主朋友病重,主任依然鐵面無私地回答:「證明呢?」面對住呢種機械式操作嘅人,小記費盡唇舌求情:

佢:你個護照要三日後先有得拎(唔計即日的三個工作天後一日,即係總計五日)
我(哭喪的臉):「可唔可以再早啲?我真係趕住……」

佢:「咁點呢?」

最後都係換來主任皇恩浩蕩批准3個工作天後取新護照,計埋頭尾足足等成5日!

BNO補領只需2小時! Emergency Passport手續人性化

同大部份香港人一樣,記者於97政權移交前持有的BNO,早年過期後就沒有續領,初時覺得反正免簽國家大同小異,後者大嗱嗱平成$785,初入職場水腳唔多的我梗係揀特區!但當日小記自知有任務在身,要等5日才有快證,真係心急如災,所以馬上再去英國領事館博一博!(注意:* 以上介紹的方法,如你的BNO 過期10年者不會獲簽快証,因為電腦無Record)

bno3
圖左:BNO Emergency Passport

到英國領事館大樓後如入無人之境(因平時續領BNO只需郵寄資料),雖然只能用一次的Emergency Passport索價$1,170,但審批程序快到2個鐘有得攞,仲誇張過借貸廣告!而且英國領事館連保安都親切啲,有人話英國佬「有錢使得鬼推磨」,計我話人哋係制度靈活,識得酌情處理,金錢換得人性對待。

當香港著重過去,需要人拿出一大堆文件証明已發生的過失;英國領事館看的是將來,領事催我拿改好的機票,盡快搞清何時再起飛。

補領時注意Visa細節!出發至必須簽證國家要注意!

當改好機票、BNO快證批出,估唔到臨門一腳Online Visa都出事。如小記今次往澳洲出差,臨時BNO無法辦理網上簽證,因此需前赴灣仔的澳洲領事館,冒昩叩門請求幫忙,幸得好人領事幫我致電澳洲入境處,將舊護照的簽證(原本跌護照前已申請)轉移至臨時BNO,再加開一張Visa Grant Notice方便我通關無阻,先能夠無驚無險上機。所以補領臨時BNO後若是出發到必須簽證的國家,請向相關領事館查詢。順帶一提,Bag Drop時空姐會循例問你有無整簽證,尤其是呢本BNO真係好例外罕見,為怕我到埗後被遣返,佢地謹慎地打去澳洲確認。

續領BNO 外地通關更可靠

【BNO-續領備忘-8-問】
香港在東南亞就話國際之都,講真去到歐美十居其九會問:「Hong Kong? Japan?」咪旨意解釋「香港屬於中國」這個微妙關係,因為對鬼佬嚟講總言之係China!留學生 Bonnie就試過在墨西哥轉機,職員甫見特區護照上的China,就死命堅持要辦簽證才可入 境,解釋極Hong Kong免簽都不被受理,只好掏出另 一本BNO護照先順利過關!穩陣計真係要有本BNO 傍身囉。

BNO VS特區護照:特快處理比拼

(注意:* 以下介紹的方法,如你的BNO 過期10年者不會獲簽快証,因為電腦無Record)