由於唔同地方對唔同嘅嘢都有唔同嘅叫法,所以我哋喺飛機面對來自不同地方嘅乘客,個腦都要轉快啲,先反應到佢哋要乜。

乘客要求「給我一杯……」


好似我一入職做班新加坡航班,就有一位新加坡乘客問我攞「Sky Juice」,我請教完同事先知原來係指「水」,來自天上嘅果汁。

然後又有一次去檳城,有位馬來西亞乘客話要「牛lin水」,哈哈!牛奶的確係來自牛牛嘅乳頭嘅。

最近同一位新同事派餐啦,面對一大班來自中國內地嘅大媽乘客。

新同事:「阿姨,你要飲料嗎?」
大媽:「我想要一個『巴黎水』。」

新同事即刻搲晒頭,其實喺大陸,佢哋對某P字頭嘅法國有汽礦泉水嘅稱呼係叫「巴黎水」,點知下一個大媽真係令我哋兩個呆咗幾秒!

新同事:「請問要喝點甚麼?」
大媽:「給我一杯『醫院水』。」

「醫院水」可以係咩水?醫院嘅水係咪吊嗰啲鹽水呢?定係嬸嬸負責嗰啲熱水?最終隔籬個客講,原來呢位auntie想要evian水,佢中文係「依云水」。呀!依云……依云……醫院……醫院……我哋啲普通話真係要惡補下先得!

下一頁:地勤人員分享 呢2樣絕不可寄艙行李|否則有家歸不得!