嗱,唔好話我收收埋埋有好嘢唔同大家分享!話明叫集油,屋企都收埋唔少,上至橄欖花生油,下至各式各樣面油(紙),我都收集不少。

趁最近收拾家中細軟,講下 護髮 經!

fa_hair2
被風吹到有少少亂ORZ大家將就下呵呵!

01 | 甩髮空姐全記錄

由於要入行做空姐,記得我 3 日染咗 2 次頭!仲要用泡泡染髮!真心傷到一個點!加上每日都要落gel,初入行半年,我甩頭髮甩到好誇張:(我仲要後知後覺,先發現頭髮少了!連去剪頭髮,髮型師都問我搞邊科T^T~~,梳一下甩幾條頭髮咁~之前明明我是髮量極多的毛孩嘛~~

當時第一個入手的品牌是AVEDA防脫髮系列,效果明顯,標明無矽,呢類洗髮水的通病,就是乾!仲有價錢貴!但當時仍然堅持用了三、四個月左右,直到髮量多番,甩髮少為止。

為咗令頭髮重生,我仲特登買埋把氣墊梳,每日都一梳梳到尾,再撳下撳下啲頭皮,按摩按摩,等啲毛仔茁壯成長~然後又因為覺得髮尾乾,開始入手各類hair masks、髮尾油等產品~呢個坑絕對愈踩愈深了!

等我講下我用啲咩重生啦~

02 | Sor,梳唔可以亂揀

Processed with VSCO with f2 preset

T^T I’m so sorry!冇時間洗下把梳哈哈哈,請大家無視啲頭髮!呢種梳係每個女仔都要擁有一把!就係我啱啱講嘅氣墊梳!大家塊面用氣墊粉底同時,記得用埋氣墊梳!可以按摩頭皮~!

Processed with VSCO with 7 preset

平時攞去outport用嘅梳子,網上講到好好用好好梳,我都係buy我把氣墊梳多啲!呢把梳按摩唔到頭皮,又梳唔到入頭皮~

03 | 頭髮都要敷mask

Processed with VSCO with a10 preset
回購再回購款!CP值超高!用完頭髮真的會滑手~不過keep到 1-2 日咋!

Processed with VSCO with a5 preset

早排見好多人都話呢個牌子好用~入咗呢盒hair mask,唔會再回購,一嚟唔夠潤,二嚟隻味我唔鍾意。

04 | 長髮/經常吹髮必用髮尾油

Processed with VSCO with s1 preset

首先講講Mise Perfect(橙色嗰支),用咗好幾支,感覺麻麻哋好用,好膩,又唔吸收,只係得個平字,唔會再回購了!

L’oreal呢支已經係同系列第 2 支,第 1 支用黃色樽身的。味道幾好聞,吸收得快,通常用 4 至 5 泵,搽幾下都索得差不多,會繼續回購!

透明樽身,啡色蓋那支叫樁。有次去日本,忘了帶髮尾油,哈哈又多個藉口試新嘢!呢支嘢喺dry dry的日本救咗我的毛髮一命!香港夏天用會膩,冬天用啦!

右下角嗰支Ice cream~味道太甜,不過令到頭髮噴完真係即時少咗毛燥感,又多咗光澤感!

Processed with VSCO with e1 preset

又係黑人頭牌~雷品!味道似印度神油,吸收得慢,就算用好多,吹完髮都冇咩光澤~

05 | 陣間就約咗男神,毛燥頭髮急救術

Processed with VSCO with s1 preset

習慣夜晚洗頭,朝早好少出街前再洗~呢個時候,如果頭髮前一晚瞓到好核突,就係出動佢嘅時候!味道幾香,噴幾下再梳睇落smooth好多!毛燥頭髮立即消失~

手頭上有嘅頭髮產品,仲有洗頭水,不過啱啱好用晒扔咗個樽!大家有冇用過咩好用唔好用嘅護髮產品?分享下啦~~~


 

fa_banner1


下一頁:夏天玩水也別忘記美白 | 空姐 防曬 推介

延伸閱讀:

空姐愛用分享 | 日本藥妝 戰利品X回購品

平過日本 | GLAM BEAUTIQUE 登陸香港精選藥妝