最新消息:澳洲政府宣布,2017年1月起開始對打工度假抽稅再作出調整,AUD$37,000內抽19%,唔再係 32.5% 重稅啦!而且申請費用由AUD$440 下降到 AUD$390,加上年齡放寬至18-35此可以申請,想出走的朋友抓緊機會啦!

2016年11月更新!大叔都去得!| 澳洲 Working Holiday 新方案

阿珍個姪仔早輪去完澳洲打工度假,一年流浪返嚟,成個人 charm 咗又靚仔晒,阿珍都 好安慰。本來諗住叫佢推介吓袋鼠國有咩筍工,點知問開竟然有驚人發現!原來澳洲政府早前通過咗預算案,下個財政年度(2016年7月)開始,所有喺當地嘅 backpackers 將一律被列為「非居民身分」,無端端喪失免稅額,無論搵幾多錢,一律要被抽高達32.5% 的超重皮入息稅!

ww831ap030-1050x931

無價講! Working Holiday抽重稅

「本來背包客同澳洲人一樣,每年有$18,200免稅額㗎嘛!就算賺多咗都係交19%;新稅制加到咁重,賺埋都未必夠交租!」 姪仔擰晒頭咁呻,原來以澳洲工廠最低工資時薪 AUD21為例,而家交完稅都有AUD19落袋,下年開始就得返 AUD14,慘過打黑工!再加上簽證費用年年加、澳紙插水、下年仲要開放5,000強國人去打工度假……咪講話掘金還鄉,就連儲錢去玩都唔係容易,難怪消息一傳出,背包客whatsapp群一遍鬼哭神號……新稅制一出,一眾backpackers直言掘金夢 碎,決定斬纜去玩,二簽都廢事攞,陰公!

新稅制效應 改去日本無咁嬲?

雖然當地農民、旅遊業界都有反映過相關措施不利旅遊,農業代表仲聯同旅遊業向政府提交折衷方案,即將背包客的稅率定為較低的19%,惟一直關注「背包客稅」的國家黨議員 Andrew Broad 就率先證實政府「企硬」不肯更改,堅持在7月起,向所有持工作假期簽證的背包客徵收32%稅款,不設免稅額。反對團體話新稅制下,背包客會傾向前往稅率較低的新西蘭、加拿大等國家,大熱澳洲會變做次選。阿珍就推介大家轉去日本耕田,九州唔少農戶都好好招呼,有啲仲識英文,其實都係唔錯選擇!

gotrip_wh05

 

下一頁:2016日本工作假期申請攻略(一)—申請文件篇