尼曼路13巷的Tong Tem Toh,裝修普通無特別,座位唔算好舒適,大熱天仲要冷氣都無滴,但偏偏生意十!級!好!唔止遊客慕名而來,連本地人都會幫襯,之前去過三次都被長長人龍擊退,最離譜有晚七點未到已經話派晒籌,想點先~~~ Roar~~~

Tong Tem Toh賣的是傳統泰北農家菜,食材簡樸(山區嘛,海鮮固然無,牛羊都難養,但有走地雞豬肉田雞螞蟻竹蟲竹筍野菜),分量細細(用小碗小碟上枱,貫徹傳統特色),味道正宗(偏向大酸大辣,相當重口味,部分仲好有衝擊性),但能夠令大家心甘抵命去排隊,都因為有啲嘢真係得佢有,例如螞蟻蛋湯、香葉炸蛇頭魚等,外面的泰北菜餐廳不常見到,而且絕大部分菜式都在100THB以下,叫滿一枱都唔肉赤,整體CP值高。

cmj7401

老實講,同平時喺九龍城食開的泰國菜相比,菜式未必樣樣啱香港人口味,好似一道泰北酸肉,朋友K話有朕酸餿味,死都唔肯再食第二啖⋯⋯不過人在泰北,點都要試一試佢,以我經驗,避開正常食飯時間,下午兩、三點來就最好,雖然都係要等,但起碼等得快啲嘛!

香草炒波波菇 113THB/HK$25 波波菇個名我亂噏的,泰北特產的迷你菇,每粒飽滿結實,外層偏咬,但咬落去脆口,有爆汁效果,一定要試。
香草炒波波菇 113THB/HK$25 「波波菇」個名我亂噏的,泰北特產的迷你菇,每粒飽滿結實,外層偏咬,但咬落去脆口,有爆汁效果,一定要試。

緬甸豬肉咖喱 73THB/HK$16 泰北地區靠近緬甸,飲食文化都受到影響,緬甸style的豬肉咖喱加有薑絲和羅望子汁,味道帶酸,比一般咖喱都要清爽,肉也炆得軟腍,大愛!
緬甸豬肉咖喱 73THB/HK$16
泰北地區靠近緬甸,飲食文化都受到影響,緬甸style的豬肉咖喱加有薑絲和羅望子汁,味道帶酸,比一般咖喱都要清爽,肉也炆得軟腍,大愛!

泰文招牌隱藏喺屋簷位,好低調,不過唔難搵,見門口企滿人嗰間就係佢。
泰文招牌隱藏喺屋簷位,好低調,不過唔難搵,見門口企滿人嗰間就係佢。

椰汁雞湯 77THB/HK$17 同平時飲開的溫和版完全是兩極,入口大酸大辣,椰子切成薯條狀,上枱時一度以為落錯order,無論味道同湯頭顏色都有好大衝擊!
椰汁雞湯 77THB/HK$17
同平時飲開的溫和版完全是兩極,入口大酸大辣,椰子切成薯條狀,上枱時一度以為落錯order,無論味道同湯頭顏色都有好大衝擊!

燒豬肩肉 67THB/HK$15 帶好香的炭燒味,但肉質略嫌乾身,無想像中咁好食,少少失望。
燒豬肩肉 67THB/HK$15
帶好香的炭燒味,但肉質略嫌乾身,無想像中咁好食,少少失望。

洛神花茶及碟豆花茶 各40THB/HK$9 自家製作,好味但好甜,建議俾10THB加冰飲。
洛神花茶及碟豆花茶 各40THB/HK$9
自家製作,好味但好甜,建議俾10THB加冰飲。

燒烤檔設於門口,員工久不久用把風扇吹呀吹,香味遠遠都聞到,唔吸引就假!
燒烤檔設於門口,員工久不久用把風扇吹呀吹,香味遠遠都聞到,唔吸引就假!

派籌時侍應同時會遞上餐牌及筆,等食客可趁等位先在「飛仔」背面寫冧巴點菜,都算有效率。
派籌時侍應同時會遞上餐牌及筆,等食客可趁等位先在「飛仔」背面寫冧巴點菜,都算有效率。

露天座位無咁逼狹,比室內座位舒適,係久不久有烏蠅飛過煩啲囉!
露天座位無咁逼狹,比室內座位舒適,係久不久有烏蠅飛過煩啲囉!

室內座位採半開放式設計,雖然無冷氣,但風扇吹送下都唔算太熱。
室內座位採半開放式設計,雖然無冷氣,但風扇吹送下都唔算太熱。

Tong Tem Toh
地址:11 Nimmanhemin Road, Soi 13, Suthep Meuang, Chiang Mai
營業時間:11am-11pm
Fb:www.facebook.com/TongTemToh/

‪#‎去到泰北無理由唔食泰北菜‬ #‎清邁好食系列‬ ‪#‎廢氏清邁私生活  ‪#‎清邁‬ ‪#‎cmj74‬ ‪#‎chiangmaijourney‬ #‎chiangmai‬


廢氏清邁私生活
【查詢私人包車連司機服務】www.chiangmaijourney.com/vananddriver

【預訂廚藝學校服務】www.chiangmaijourney.com/cooking-schools
【預訂Zipline活動】www.chiangmaijourney.com/zipline


下一頁:清邁吃到飽 | 389THB 人氣手抓海鮮店試食報告