話說深導遊上個月去咗美國豪遊!成個旅程由San Francisco開始,再去Las Vegas,然後Los Angeles,再去埋orange county Irvine搵朋友,最後就由SF翻香港。
美國地方大,就算有車牌都要25歲先可以租車周圍玩,所以去大峽谷呢啲偏遠景點就要跟當地旅遊團。
IMG_0451
出發前,搵美國旅遊資料時無意發現到一個唔錯既旅遊網站 kkday.com 係懶人去旅行必備既網站,好適合唔鐘意跟旅行團但又懶得plan行程既人!今次深導遊就試左報大峽谷之旅,有得揀普通、直升機、或最新玻璃橋既行程。我地就平平地揀左普通版,計埋手續費大概USD80一人,包午餐、酒店接送、大峽谷國家公園入場券。IMG_0416

片中見到我玩得好開心,雖然真係好開心,但其實為左去得成呢個大峽谷之旅,我地係去得好盡先去到!點解咁講呢?我盡量將複雜又緊張既過程簡化。
話說大峽谷旅程由vegas開車出發,所以我原定計劃: SF 坐飛機 > vegas 玩三日兩夜 坐飛機 > LA
點知check in 一分鐘後,我地去vegas班機取消左,我地被加入standby list,變成國際難民一樣,無限期咁等上機。我地等咗超過13小時都上唔到機,航空公司話最快只可安排我地兩日後班機去vegas,但咁就已經會miss左大峽谷行程,而且我地本來只預三日係vegas,所以三日後去到都無意義。

結果,我地直接飛咗去LA諗住取消成個vegas行程,連大峽谷都唔去。
去到LA我地爆攰,當時大概下午四點。到咗酒店,我地settle down,好灰諗緊同大峽谷無緣之際,我諗緊我地唔坐飛機可以坐巴士去Vegas!再search下,megabus真係有一班車係當日零晨十二點開車,六個小時到第二日早上既6am就岩岩好趕到大峽谷既行程!
即刻上網買車票,諗住仲有4個小時,可以休息一下大概晚上十點起行去坐巴士。
世事難料,我地太太太攰就訓過龍,11pm先起身,但巴士12nn就開,我地仲要坐車去巴士站!

即刻周街搵的士,但美國的士要預早call,我地又勁慌張,周圍搵人車我地去。好彩遇到一個收工既保安肯車我地去。但佢又不太識路,結果我落車跑到去,見住車尾開走左。
我地唔放棄,個職員話一係就坐下班車,但會趕唔到大峽谷之旅,第二個方法就係趕去佢下個車站上車。
我地即刻叫uber。原來下一個車站勁遠,好彩個司機同情我地遭遇,只係收我地油費,結果開咗一個鐘頭車先到!IMG_0393
結果我地係用咗USD20(去車站) + 50(uber) + 100(巴士收費) + 160(大峽谷團費) = USD330兩個人先去到呢個大峽谷之旅,真係聞者傷心聽者流淚!不過為左無悔,為左大峽谷,係值得的!


IMG_0458
Btw,講翻大峽谷,真係要親身去到,企係高處,面對住大峽谷,打開雙手大叫一聲,先感受到個正字!而家諗返起,woooooo!真係好宏偉既大自然景色!But來回坐左超過10小時車程,真係少啲耐性都唔得!
Btw2,kkday.com呢個網站真心推薦,啲staff好細心,錢銀交易又安全!
Btw3,都已經無講當時班機取消咗,連寄艙行李都寄失埋,所以大峽谷套衫褲鞋襪我地係著咗幾日幾夜,可能之後好多片都係呢套衫,莫見怪。

總括全文,今次大峽谷之旅絕對係史無前例去到咁盡,但亦令大峽谷旅程變得真畢生難忘!所以有時侯,#唔去到盡真係唔知原來自己可以去到咁盡!