啱啱返香港就收到消息,係太古城新開一間拉麵店,原來係沾麵界人氣店 大勝軒 丸一,6月10號正式營業,時間由11AM至11PM,沾麵由HK$62(未計加一)起 ,另有接近十款嘅唔同口味湯底,選擇多之餘,質素有保証,湯底由日本工場直送,湯底味道適中,不會過咸,食完麵條加湯可以飲埋碗湯底,麵條相當之彈牙。

原文出處

 6點10分到達門外,大約40人等侯,但原來只係開始,到我食完出門口7點半已經接近100人。大約等侯40分鐘,如果30幾度夏天真係救晒命,好彩出門之前一陣大雨降了溫,無咁辛苦,排隊期間佢地都有派水比大家飲

 差唔多入去之前就派餐牌比大家參考,我就推介佢既原味沾麵同埋叉燒拉麵,係呢個價錢,呢個質素份量,真係完勝其他拉麵店。HK$62蚊(未計加一)就有沾麵食,而且水準遠勝於本地其他的店。唔鐘意食沾麵嘅你,佢嘅叉燒拉麵有超多片叉燒,肉迷一定唔會失望。終於以後唔需要再捱貴價唔好食嘅拉麵啦!HK$82蚊連加一都只係HK$90.2!剛從日本回來的我覺得呢個價錢質素完全合理!

你可能有興趣的文章

2017年港人專享生日優惠!

https://goo.gl/zZkRmx

 仲有小食、飯類,重點一定係佢既拖羅叉燒,成大件接近1CM厚既肥肉,滷得軟嫩入口,真係大推薦!餃子都煎得幾香脆,係上菜慢咗一些

進場,自選組合,選你想要既口味湯底,麵條可以選冷或暖,但佢建議食凍~識食一定叫多蔥,香氣十足,增量250克或者200克都係同一價錢。另外就係飲品,飯類同小食,仲可以追加配料,加叉燒,紫菜或者玉子等等,今日佢地既玉子極速完賣,唯有下一次再試啦!

我就坐係前面睇住D師傅整,由於麵條都係即點即制,大約需要等15分鐘左右,冰水免費任飲,排完隊成身汗又熱,飲返2杯等住食麵,如果要可樂或者其他飲品就要加HK$12至HK$18起,佢仲有啤酒賣

 坐係廚房前睇住師傅煮都係一種唔錯嘅選擇, 位置不大,所以食完都盡快走人,唔好要其他人等咁耐,無手袋勾,唯有放地下

標榜日本直送湯底有保証

你可能有興趣的文章

2017年港人專享生日優惠!

https://goo.gl/zZkRmx

 大約廿分鐘就有得食,首先要彈就係湯唔夠熱,食左3份1麵條就連湯都變凍咗。反映左之後佢話可以幫我加熱,咁都算唔錯嘅解決方法

 我點嘅係250克 大勝軒沾麵 湯底多蔥,湯中有幾條叉燒,都非常嫩滑,麵條係煮好用冰水過冷河,製作需時,呢個明白。麵條非常彈牙,略嫌無乜麵粉香。湯底濃郁但不會太過咸,麵條沾汁就剛剛好。

 250克麵份量相當充足,唔需要加配小食都夠食。有進步空間,上菜時間可以快一些,多些留意食客,例如冰水無晒無人加,可能太忙亂無空閒去留意。HK$62 就食到高質素沾麵,同價位嘅其他拉麵店睇怕大有壓力。

大勝軒

地址:太古城星輝台金星閣G1018號鋪 (MAP
電話:2562 3200
營業時間  11am-11pm
消費 金額 約$70-100

可先打個電話去問下多唔多人先!

下一頁:港島區 5 大新口味消暑冰品

 延伸閱讀:

港九新界台灣牛肉麵 5 強比拼 

本港最強車仔麵比拼

本地 4 間 海膽 食品推介

你可能有興趣的文章

2017年港人專享生日優惠!

https://goo.gl/zZkRmx