澳門永利皇宮在 2016 年 8 月22 日正式開業,我哋 Carol & Vin 好開心可以在開幕後第一星期就率先去到永利皇宮體驗一下。是次體試之旅,還要多謝酒店 PR向我們介紹酒店的各樣設施,令我哋對永利皇宮酒店有更深入嘅了解。

我之前未住過任何永利嘅酒店,今次入住永利皇宮,感覺十分之好。酒店行奢華路線,但房價比澳門麗思卡爾頓酒店、悦榕莊酒店親民,就等我哋分享下今次體驗啦~~~

※ 此文為酒店採訪, Carol & Vin 實際入住後分享 ※

wynn-palace-featured image

入住率 99% Check-in 速度快! 

先講 check-in 過程先,聽酒店公關講,酒店在開幕第一星期的入住率差不多是 99% (即是全酒店爆滿),但 check-in 時沒有太長的人龍出現,而且 check-in 手續亦好快。如果大家記得上年新濠影匯開幕的頭幾個月時
check-in 過程真的極度慢,永利比較之下就好好多,而且用 iPad 幫客人 check-in,夠晒 high-tech 。

IMG_3366

基本及進階房型全面睇!

01 | 進階房型 Fountain Suite Room

今次酒店安排我們入住 Fountain Suite Room,這是第二級的房型,我會先為大家介紹今次入住的 Fountain Suite Room,然後再為大家分享最基本房型 (Palace Room)。

整間酒店用不同的金黃色做裝修,分別有「日出黃」和「日落黃色」,走廊金黃得嚟都幾有貴氣,而且好舒服。

IMG_3506

酒店採用電子房卡,在門柄上有一個電子感應位置,拍一拍鎖匙的圖案就開到門。

IMG_3512

入到房,嘩!好正,好大間房呀!

IMG_3516

IMG_3522

還有一個獨立客廳。

IMG_3554

整塊落地玻璃,環境開揚,望出窗外感覺悠閒,可以遠眺對面 MGM 和金沙城的酒店。IMG_3551

房間六大驚喜位

01 | 房內設備用電子控制

房內的燈、冷氣、電視、窗簾等全用電子控制,筆者親身用過,這部平板的操控非常容易,按鍵非常大,老人家都啱用。而且有多種語言,中文、英文、日文、韓文都有,最緊要係反應快,所以好好用。另一個要讚嘅地方,就是光暗度可以自行調校,唔係只係開同關兩種。(我諗住開酒店嘅朋友應該同我一樣明白這個設計係有幾重要……)

02 | 電視夠大又多台

房裡有兩部 65 吋大電視,就算床和電視有點距離,坐在床上看電視一啲都唔覺遠,仲要有 ViuTV 頻道,真係好切合香港人口味。另外亦有 HBO、Cinemax 、Fox 體育。IMG_3943

酒店有兩個 USB 插頭,亦有香港插頭,好方便。

IMG_3502

03 | 八英畝表演湖景一覽無遺

一定要介紹下房間這個景觀,在房間只要向下望,八英畝的表演湖就已經一覽無遺,又會見到纜車郁下郁下,都幾得意。

IMG_3561

IMG_3563

用文字好難表達這個景觀有幾咁壯麗,而且相片因為有少少反光拍得不太好 (希望大家不要介意),但第一眼望到這麼大的湖,確實都有點震撼的感覺。

04 | 廁所、浴室分隔 馬桶有驚喜

浴室都好好,廁所和浴室獨立分開,廁所雖然不是日本式的免治馬桶,但廁所板會有熱力調節,澳門酒店好少有這種馬桶的,包你「便便」時都不會凍親pat pat,你話永利幾貼心呢!

IMG_3569

浴室的鏡裡亦設有電視機,可以邊浸浴邊看電視!

IMG_3574

05 | 英國貴價品牌浴室用品 英女王都指定用佢!

浴室用品選用 Molton Brown,Molton Brown 牌子你都唔識?Molton Brown 是英國高級奢侈品牌,連英女王都指定要用 Molton Brown。除了永利之外,其他高級酒店例如半島酒店都是用 Molton Brown 的。
IMG_3687

其他用品例如鬚刨、梳都非常豪華,商務人士仲有「領撐」,夠晒齊全。

IMG_3572

注意!Minibar 自動收費

有樣嘢要提醒大家的,就是房間雪櫃的 minibar。如果取出飲品之後 1 分鐘,系統識得自動收費,當然,如果你只是取出但冇飲過,checkout 時記得同職員講番。
IMG_3546

IMG_3539

房間的零食都幾多選擇,可惜全部都要收費。
IMG_3540

Fountain Suite 房就介紹完,同大家講下酒店最 basic 的 Palace Room 。

入門級皇宮客房 – Palace Room

IMG_3743

皇宮客房的面積有 68 至 78 平方米,和剛才大家看過的 Fountain Suite 房最大分別,是房間沒有獨立客廳,而且沒有湖景,只有一般景觀。

IMG_3732

浴室的大小、設備和 Fountain 房就是一樣的。

IMG_3723

IMG_3709

甚麼叫「一般景觀」,大家可以望下(真係冇乜嘢睇咁)。

IMG_3749

IMG_3750

兩間客房內的設施是一樣的,所以我不多作介紹喇~~~

睇完房,就同大家介紹一下酒店泳池。

06 | 酒店泳池驚喜位 提供免費飲品和防曬用品!

永利皇宮有室外露天泳池,首先住客會有免費飲品提供。另外,泳池更衣室還會提供防曬用品,這太貼心吧~~~

IMG_3671

另外劃分出來的按摩池佔地不小,不用與其他住客人迫人。

IMG_3676

睇完房間和泳池,正唔正先?酒店最大賣點 「纜車」和「表演湖」都有好大驚喜嘅,我就留在下一篇才跟大家報道,密切留意喇!

訂房可以去以下網址:開業房價最平 HK$1,551 ,不過就未包纜車,大家可以去 Ctrip 或 其他網站查酒店價錢。
Ctrip / Expedia

下一頁:噴泉、纜車、扮晒嘢!永利皇宮 7 大設施

延伸閱讀

更多Runhotel 澳門文章參考

包早餐!包船飛!澳門巴黎人 8 個套票