「死之前,我想……」一條簡單問題,深層次答案。
如果在路上有塊黑板,問你死前想做咩,你嘅答案係?

我,跳一次SkyDive吧!

狼之的背包:https://www.facebook.com/auo.page
狼之blog:http://leechunheifrancis.blogspot.hk/

13年尾,公司舉辦「進撃昆士蘭」比賽,成功跟機尾飛咗去昆士蘭。整個昆士蘭之旅,參加者上天下海、街頭賣藝、擦盡美食,我頂多是個影相佬或者打雜角色,心中感嘆「這些機會不是我的……」。玩?似是與我談不上任何關係。不過不過,旅程最精彩部份,竟然預上我,就係在開恩茲上空跳Skydive喇!

「咩都唔諗,從高空跳下,另一角度看世界,是我一直想完成的事!」

喺澳洲,有超過7個地點可以跳Skydive,Mission Beach、Byron Bay、Hervey Bay、Bells Beach等等,悉尼同昆士蘭可算是當中最著名。今次我挑戰的,是位於昆士蘭的開恩茲Skydive。在開恩茲跳Skydive的好處,係你可眼望蔚藍海洋、壯麗珊瑚礁,加上綠油油山巒,體驗刺激之餘,開恩茲整個城巿映入眼簾。

一萬四千尺、幾十秒Freefall、從天到地只需幾分鐘、由勁驚變到麻木咗,呢種體驗人生一定要試一次!玩Skydive有咩感覺?跳過的人會話「有咩好驚?」,未跳過的人會話「真係好鬼驚!」 坐在小型飛機上,慢慢上升時你會被周邊風景吸引,忘卻了緊張;真正想起要跳,是機艙門打開一刻,冷風吹拂面部,頓時醒來;望住萬尺之下,一躍進入無人地帶。之後?等你自己試試吧……

玩此類高危活動,安全至關重要。澳洲Skydive公司的教練全部經嚴格訓練,Skydive時數、經驗十足。跳前亦會幫你上堂,向你講解安全守則。當然你亦要「聽話」以確保安全!
開恩茲小型飛機機場離巿中心約15-20分鐘,算是方便!而玩一次Skydive費用約AUS$334,看你要不要Skydive時的相片和短片。

小提示:如想自己一個跳的話,需有9次與教練練習經驗或參與3日2夜的課程!

關於你的人生
「死之前,你想……」

你睇下啲風吹到我個頭……

小型飛機上的景觀

 

wohoooo….

你睇!我落緊嚟喇!

幾分鐘後降落!

Skydive Cairns
電話:1300 800 840
電郵: [email protected]
費用:約AUD$334
網址:http://skydivethereefcairns.com.au/