越來越多飛機座位提供 USB 差電，宜家連去機場的巴士都有喇！KMB 日前係佢地嘅 Facebook Page，公布咗一系列龍運巴士首批新塗裝嘅機場巴士內部樣貌同設備嘅相。睇落同之前嘅分別都好大，評語就好壞參半啦，一齊睇下有咩改動！
1) 外觀改動少 新配色似大家樂？
下層遠睇睇落改動不大，顏色都係一貫的橙色主調，配上木紋地板後有網友話新的設計似足大快活，真係見仁見智啦！
樓梯感覺好似upgrade左~
2）座位新設計 收起扶手變情侶位
新的座位有啲特別，情侶坐可以將扶手拎起。坐外面個位轉彎時，要小心啲拉住旁邊的人，如果唔係有機會飛出街，不過如果唔識佢又點算呢？
＝
3）新增 USB 插位 成電話充電救星
最正嘅應該係呢一項更新，座位增設左USB差電，可以作緊急用途！
4）謎之冰箱 有何用途？
有人係Facebook上面問KMB，呢張係咪放錯左，不過小薯編估佢地實係想比大家有個更好的乘車體驗，可以飲凍飲 (一定係啦好重要的~)，所以特意加設左冰櫃！
暫時未知呢款新車用係邊條線，不過只係USB差電呢一點，已經要比個讚KMB，須知救人電話、勝過七級浮屠！
來源：KMB HK
