Day 2, 喺Atacama,你都可以濕身⋯⋯

IMG_2489

Los Ojos del Salar – 即係Eye of Atacama,因為這裡有兩個尺寸相約的深水池,每個面積都好似兩個籃球場大,就好像一雙”水汪汪”的大眼睛出現在Atacama沙漠中間,當第二日的導遊帶我們到達這裡時,已經有幾十名遊客準備跳入,又或者已經跳入個水池,遊客們不停叫囂,慫恿朋友跳落水,真係估不到沙漠都有得嬉水,仲要咁熱鬧,既然參加得Lagunas de Cejar這個day tour都預左濕身,咁搵個靚位,準備好相機,「123,跳啦!」,如果相對香港雙鹿石澗的四疊潭,這裡都不算高,只要識游水都應該無問題,不過你不要以為係沙漠中跳入水係好爽喔,Atacama位處高海拔,天氣沒有其他沙漠的熱,老實說早晚係凍,可能會得幾度,所以跳水人士要抵得住一點點涼意,好彩當日陽光普照,濕身都無有怕。

 

玩完”you jump, I jump”,我地就去下一站,當日主菜-Lagunas de Cejar,可以入場體驗浮水的大鹽湖,咪都係因為含鹽量高,約10至20%,而死海含鹽量就高達20至30%,不過這個湖的”鹽分”都足夠浮起你整個人,雖然入場費都算偏高(約USD25),仍然有好多人爭住去體驗。

點擊看大圖:

因為我哋去過死海的關係,令我們感興趣的反而是另一邊那個差不多乾涸了的鹽湖,鹽湖後方就是安第斯山脈,如果你有帶備腳架,從高角度,低角度都可以拍攝,更可以拍一些倒影照,wide shot影鹽湖加山脈都好吸引,玩吓影吓,不經不覺已經到左那年最後的一個日落,靜靜的想想旅行為我帶來這年的難忘回憶和體驗,就算無緣到玻利維亞的天空之鏡,哈哈,至少叫看到超級迷你版做安慰獎。

行程:Los Ojos del Salar>Lagunas de Cejar
時間:一天
價錢:USD 80 左右
額外收費:如果想體驗Lagunas de Cejar,入場費連享用沖身設備,約USD25
網址:www.viator.com/San-Pedro-de-Atacama/d5499-ttd

我們在Atacama的時候剛好是除夕和新年,他們當地人傳統是12月31日搬出自己自制的紙公仔到家門前,一踏入1月1日的凌晨凌時分就焚燒所有紙公仔,寓意除小人,送走瘟神,來年行好運之類,紙公仔差不多是一比一尺寸,所以當家家戶戶一齊火燒它們時,都幾震撼,街上無論大小朋友玩火都玩得好開心,他們大多不介意你影相,有的甚至會邀請你一齊玩,基本上元旦由凌晨開始,不斷有人燒紙公仔,放煙火,鳴笛等等,整整一晚都好熱鬧,能夠媲美小時候在鄉下過農曆新年,而且Atacama絕對有夜生活,因為這裡是依賴旅遊維生,所以開左好多酒吧,那天晚上,在hostel新認識的朋友都相約一齊開party,狂歡一整晚。

溫馨提示:喺世界任何地方,同新朋友去夜蒲時,記得飲品不離手,小心飲過量至不省人事,保管好財物,最好同認識耐少少的朋友一齊,咁就比較安全!

 

相關文章

【智利】戀上高海拔的Atacama 沙漠 Day 1(交通篇)

【智利】戀上高海拔的Atacama 沙漠 Day 2(靚景篇) 

【智利】戀上高海拔的Atacama沙漠 Day 3 (食宿篇)