黑潮市場同隔離個主題公園Porto Europa都維修緊,我地好似去左一個冇人既海洋公園[吃驚]

雖然唔知佢邊個,但佢周圍同人say hi 勁好人!我地好似去咗一個冇人嘅海洋公園已經好威嫁啦,跟住因為呢個地方係海旁,就問佢一句可唔可以釣魚,點知真係有!

[親親]*******重點******[親親]原來黑潮市場附近有個#海釣り公園,有一部分係魚場,可以俾我地租用魚竿在魚場釣魚!而另一部分係海旁,就公開俾人自攜魚具去釣魚(需付入場費),但就比較難釣大魚。
哇!勁開心人生第一次用魚竿釣魚仲要喺日本![擠眼][擠眼]

等呀等。。。。哇!!!!!!!真係爆好彩俾我釣到!!條魚勁大力,差啲扯我落海!仲要俾我釣到條好味嘅鰤,即係油甘魚!!
而且釣魚師傅好好人,幫我地周圍試釣,睇下邊到多魚,等我地釣夠兩條先計我地玩完!

同釣魚師傅分享我地釣到魚的喜樂![哈哈]
釣到兩條魚之後, 師傅首先以流利刀法將魚放血,保持新鮮!然後就將魚切成魚生,可惜不可以一睹師傅刀工。

就在魚場隔離,對住海景,品嘗自己親手釣的激新鮮魚生,人生一大樂事!魚手有十個勁勁勁勁鮮勁肥美!滿足程度同享受程度都爆晒燈!!!!!
呢個經歷真係好開心好特別好感恩,如果唔係黑潮市場冇開、遇到好人伯伯、好人釣魚師傅等等,其中冇咗一樣都造就唔到呢個經歷!

食唔晒唔緊要,仲可以帶走!冰箱連冰要600円,但兩三個小時後啲冰都冇溶到!
喜歡釣魚、食新鮮sashimi或旅行喜歡去比較特別嘅景點嘅朋友萬勿錯過![愛你]

 

地方:和歌山 海釣り公園
收費:4300円/2小時(連魚竿)
切魚費:2000円/2條
地點:和歌山 黑潮市場 行過Porto Europa主題公園就到了
網址:http://wakayama-tsurikouen.com/
(網站有最新活動資訊和優惠,去玩前可以睇睇,但只限日文)