大家好,我係呀貝,上個月我第一次參加左日本嘅LOCAL TOUR,叫做「葡萄任摘任吃及富士山纜車一日遊」! 一早就去到新宿華盛頓酒店集合。

japan_local_tour

星期日的關係,團友加埋有成四十幾人,坐滿旅遊巴。

japan_local_tour1

我地嘅行程就包括左以下5個CHECK POINT!

japan_local_tour3

下一頁:五合目、河口湖睇富士山雪景

五合目一條龍寄明信片服務

第一站:富士山五合目,由於朝早橫風橫雨的關係,上到黎係睇唔到富士山架!不過一場黎到一定要寄返張明信片,尼道有一條龍服務,買明信片,寫明信片,貼郵票,蓋郵戳,放郵箱可以一次過做晒!哈哈

japan_local_tour2

之後我地無懼風雨,去左格離個神社睇下。仲買左個好特別嘅富士山御守,非常之鍾意呀!

japan_local_tour4

河口湖午餐+睇靚景

跟住就落返河口湖食午飯,尼個就係我地嘅SET LUNCH,團費已經包埋,比我想像中豐富而且味道仲幾唔錯添!

japan_local_tour5

食完就行去纜車站撘纜車上展望台!WOW 個天終於變返好,冇落雨之餘仲開始出現陽光,富士山亦都變得清晰,好開心呀,終於可以一睹富士山的全貌!好靚呀好靚呀,要重覆100次先得!

japan_local_tour6

領隊話原來尼一日我地係好幸運,因為富士山尼日係第一日落雪,所以我地可以見到佢個頂部係有雪積,好靚呀,前一日黎都睇唔到呀!

japan_local_tour7

下一頁:到訪任摘任食葡萄園

又食又飲葡萄園

好快就到第4個CHECK POINT,就係摘葡萄,尼道的確係可以任摘任食,但基於唔可以帶走的關係,所以我地都係摘左一個葡萄咋!我覺得尼個體驗好開心,一直都好想去日本嘅果園,葡萄園好大勁多葡萄比你任揀!japan_local_tour8

最後一個CHECK POINT就係去試葡萄酒了,一人拎一隻杯。然後可以試飲全部酒筒入邊嘅酒,不過我唔係好喜歡飲酒嘅關係,所以我都係淺嘗左一小口咋哈哈,不過放心,尼道仲有葡萄果汁試飲,非常好味道!japan_local_tour9

下一頁:最後驚喜 – 領隊晒冷派禮物

最後估唔到仲有抽獎環節,雖然抽唔中我,但佢仲派左好多紀念品比大家,人人有份,非常驚喜呀!

japan_local_tour10

整個LOCAL TOUR一日遊就係咁啦,我覺得非常之正呀!一日之內可以去到咁多咁遠咁好玩嘅地方,真係係好方便好舒服!

我好建議想去睇富士山嘅朋友參加LOCAL TOUR,因為如果自行坐公共交通工具去河口湖及五合目2個地方會比較麻煩,需要轉車而且班次唔太密,而且摘葡萄及試葡萄酒的地方十分偏僻,自己好難可以去到,要跟團先有機會,所以慣左日本自由行嘅我覺得加插一日LOCAL TOUR係行程入面真係唔錯,去到一啲自己想去但又比較難去到嘅地方,比自己做一日懶人,唔需要擔心撘車時間,搵唔到地方嘅問題又可以得到難忘嘅體驗!