旅行最重要嘅,唔係行程plan得足唔足夠,或個飛機餐好唔好食(本人太cheap坐慣廉航,水都冇滴畀我飲)。去旅行最重要嘅,係身邊嗰位旅友!

最佳旅友:陸永C君 type


先不討論同伴侶去旅行幾sweet幾開心(唔知點解經常會旅行時鬧交),而係同某幾個朋友去旅行,就算個旅程其實好悶,個景點分明呃錢,有佢哋喺度,都一定會好開心。要貼切地形容,呢幾個朋友,就好似《Do姐再Shopping》入面嘅陸永同C君一樣,令成個旅行都咁歡樂。

揾個好旅友|同某幾個朋友去旅行特別開心!
圖片來源:TVB 節目《Do姐再Shopping》

男人老狗攞勁大個行李箱,原來入面有……

有一次,我同一班男性朋友去泰國,諗住難得周圍食下嘢,去游水做按摩hea玩,所以幾乎冇plan過行程。其中一個朋友叫阿Son,由中學識佢十幾年,最鍾意成日搞爛gags,但一班人有佢喺度又會好開心,笑下輕鬆下咁又一日。去旅行都係為咗開心啫~

出發當日,一去到機場見佢攞住鬼死咁大個行李箱,我哋全部男人都一個背囊就搞掂,就笑佢成個女人咁姿整。

揾個好旅友|同某幾個朋友去旅行特別開心!
(設計圖片)

點知一去到酒店,阿Son大嗌一聲「登登登櫈」打開個行李箱,原來佢帶咗部PS4同埋Switch過嚟,想同我哋一齊玩。「嗱嗱!頭先兩樣唔係重點,大家睇下呢個係乜?!」阿Son攞咗個最近好流行嘅「獨角獸水泡」出嚟……

「你唔係要我哋騎住呢嚿嘢嘛?」

「攞到嚟唔係唔用嘛?我特登淘寶買㗎!」

揾個好旅友|同某幾個朋友去旅行特別開心!
(設計圖片)

表面就話佢傻,實際上感謝有阿Son

本來我哋成班friends都話佢黐線,於是阿Son當晚已經冇再提過隻獨角獸。點知,就喺第二朝我聽到酒店個廳不斷有怪聲傳出嚟,我就行出去望下……原來,阿Son一早起身幫隻獨角獸泵氣!           「阿Son你喺度做乜?」

「我見你哋冇興趣,我諗住自己一個去沙灘……」阿Son眼泛淚光。

揾個好旅友|同某幾個朋友去旅行特別開心!
(設計圖片)

於是我哋成班大男人,食完早餐就去咗酒店個私人沙灘,一齊玩隻獨角獸!老實講,雖然全程都飽受其他人嘅奇異眼光,但真係玩得好開心。第二日,阿Son經過泰國一間髮型屋突然講:

「不如搓包剪揼輸咗入去剪髮!」

結果,阿Son輸咗!佢剪咗個九一分界嘅剷青頭出嚟!

揾個好旅友|同某幾個朋友去旅行特別開心!

我好慶幸有呢種朋友,就算唔係去旅行,得閒搞下爛gags,又做特別多白癡嘢,就算點都唔會悶。我知道其他人都係咁諗,所以我成日都諗…… 如果冇咗阿Son,我哋成班朋友,仲會唔會成日約到出嚟呢?

下一頁:搶被大戰 | 同女朋友去旅行,夜晚一定會搶我張被