card02話咁快,台灣總統大選結果已經爐,當香港倒退到開間書店都會「被失蹤」嘅今時今日,台灣人民早已一人一票無篩選咁真普選,計落已經係第6次喇!台灣選舉出名全民參與,最近記者喺當地採訪,發現時下台青,竟流行一款將政治人物當係公仔紙咁擺上枱玩嘅遊戲!

這一套叫做「美麗島風雲」的政治card game,開宗明義大搞二次創作,惡搞政黨人士;遊戲入面嘅馬英九、陳水扁以至新任總統蔡英文,個個都面目可憎,創作單位話係「還原政治現實」喎。

twcard01
遊戲極盡抽水,如今年第四度參選的宋楚瑜就有「屢戰屢敗」絕技;未有實際政績的蔡英文就叫「空心菜」,好抵死。

twcard09
Card Game由諷刺馬英九(陸捌玖)起家,最新一季玩到國民黨內戰篇,非常貼市。

玩法方面亦好啜核,玩家隨機扮演一眾政棍,然後利用「黑材料」、「造勢晚會」同「政治獻金」等技能卡,玩弄權術務求登上大位!眼見成班學生玩得鬼咁得戚,記者心諗好彩佢哋唔係同我哋阿689特首玩咋,如果唔係輸死都未天光啦傻仔!
twcard04twcard06

Game入面大家可一嘗金權勾結嘅快感;密會、獻金、轉移視線、看不見的手,嘩好似睇緊「梁振英施政大事」回顧咁喎!

 twcard11柯P都玩!

戲仿政府高層咁抵死,就連「官到無求膽自大@台灣版」嘅台北市長柯文哲都畀面試玩。

cardtw07

這遊戲滿有台灣風格的,大家邊玩遊戲邊聊政治,通過挖苦政治人物,很多議題就變得很親近,政治不再那麼遙遠了;也方便大家慢慢的去關心社會時事喔! – 郭郭。政治記者《台灣蘋果日報》


文 | 熱血廢青•Daniel | 曾遊學台北,識埋一班熱血台青,攪到極期待香港都有真普選的一日。