食Buffet,最怕水準似放題,食物放到凍晒,落order又反應慢,真係會食到嬲!澳門新濠鋒的吉良就大膽推出日式自助餐,聽落同放題應該無咩分別吧,但竟索價$628,貴過星級酒店新場Buffet喎!究竟值唔值?同普通放題有無分別?今次放蛇試食後為你揭曉!(21/1試訂更新:過年訂位$588,仲平咗!詳情按此)
文: Alex,Jackie | 圖: Him、Sam、[email protected] 新假期周刊

buffet_kira_001 buffet_kira_002

放題式刺身?材料超高檔!

入到吉良真係嚇一嚇,環境唔大而且得勁少位拎野食,不過食過先知原來好好味,細問員工發現店內食材全由世界各地每日新鮮入口,用上日本頂級和牛、蔬菜、廣島蠔等,魚生刺身真係勁新鮮,師傅毫不手軟厚切外,食落肥美又勁靚甜,生蠔勁Creamy又大大隻,水準一定高過普通放題店好多,蟹鉗又已經剝好殼,勁方便!
buffet_kira_004 buffet_kira_006


buffet_kira_005 buffet_kira_003

下一頁:即製噴火鐵板燒

延伸閱讀:

放蛇報告 | 澳門名廚都匯自助餐值得等兩個月?

放蛇報告 | 勁平激抵價!勵庭海景 Buffet 會否中伏?

放蛇報告 | 澳門新濠影滙 $458 自助餐試食!

即叫即製鐵板燒,仲有噴火表演睇!

熟食嚟講,吉良唔算多,以鐵板燒為主,咪以為會好普通,因為師傅會喺你面前即叫即燒,保證新鮮有肉汁,如果師傅心情靚,隨時有噴火表演睇添!
buffet_kira_007 buffet_kira_008


作為食肉獸,當然要先食和牛,肉質鮮嫩唔怕韌,唔洗點醬汁已經夠好味,可惜只係一人限點一份。睇睇下發現仲有限定菜式,原來餐廳每兩、三個月便會因應不同季節的當造食材而推出限定菜式,今次食到北海道海鮮雪蟹蔬菜粥,由原隻蟹腳燜煮而成,味道濃郁,不過有點飽肚,還是少吃多滋味吧!buffet_kira_009

下一頁:甜品款式分析&總評、過年訂位仲平咗!

甜品勁少款?不過有特色!

吉良冷盤勁,熟食又多花臣,可惜對甜品有點失望,尤其款式真係太少,雖然造型精緻,不過味道好普通,好彩每幾個月會根據當季主題會轉新甜品,而且還算有特色,今次食到火焰北海道白朱古力鮮芥末奶凍,口味幾特別,不過芥末溝奶凍未必人人接受到,送上枱時會用酒來造成火焰效果,記得影相呃like呀!

buffet_kira_010

總評:好食過放題多多聲

吉良嘅日式自助餐雖然少款但食物水準高,尤其冷盤刺身一定要食,勁新鮮好好味!甜品就有待改善,加上價錢略嫌偏貴如果平多D,和牛又任食,咁就very good啦!

評分

水準:★★★★★
種類:★★★☆☆
環境:★★★☆☆
服務:★★★★☆
價錢:★★★☆☆
地址:花城區廣東大馬路新濠鋒10樓1
電話:+853- 2886-8868
時段:6pm-10:30pm
收費:成人MOP$588、小童MOP$288
備註:另收10%服務費、需另加$180無限暢飲特選清酒、葡萄酒、啤酒、汽水等


21/1更新:記者致電查詢,新年檔期(5-10 Feb) 4個人都仲有位,價錢竟然仲平咗,成人每位$588+1,小童$288+1!不過和牛無咗,變成海膽刺身同鵝肝鐵板燒!


延伸閱讀:

放蛇報告 | 澳門名廚都匯自助餐值得等兩個月?

放蛇報告 | 勁平激抵價!勵庭海景 Buffet 會否中伏?

放蛇報告 | 澳門新濠影滙 $458 自助餐試食!