愛染祭?咩嚟嫁?食得嫁?

因為愛染祭本身唔係一個好大型嘅祭典,加上之前又沒有參加過日本夏祭,所以之前都唔知愛染祭係咩來!

愛染祭 ,日本夏祭 , 日本 ,日本人
原來,愛染祭有好多唔同攤位,有嘢食又有嘢買。

愛染祭 ,日本夏祭 , 日本 ,日本人

日本人咁有創意,當然唔少得非一般的攤位遊戲!例如撈蟹仔、釣海鰻!殘唔殘忍就見仁見智,不過日本小朋友真係幾有膽色,赤手空拳捉住條海鰻都夠膽!釣到的話會即時劏魚,俾參加者帶走,可以返屋企整個鰻魚飯都唔錯!

愛染祭 ,日本夏祭 , 日本 ,日本人
怕血腥的話都有好多不同的選擇,例如釣福袋!福袋明明買就可以啦,偏偏要小朋友用竹竿『釣』福袋,簡單招數就可以哄小朋友開心!

愛染祭 ,日本夏祭 , 日本 ,日本人

仲有攤位賣煙花,其實在日本普通便利店都能買到煙花,不過攤位賣的煙花種類較多,而且有好多我見都沒見過!

愛染祭 ,日本夏祭 , 日本 ,日本人
除了玩、買之外,還有食!我就忍唔住買左炸雞,因為我一開心就鐘意食煎炸食物!日本伯伯仲送多左一舊大嘅俾我!亦有比較特別的煎蛋蝦餅,只係200円,要抽籤睇下抽中有幾多隻煎蛋,我只抽到一隻!哈哈不過係抵食同特別!我見好多日本人都排隊買!

愛染祭 ,日本夏祭 , 日本 ,日本人

當然唔少得浴衣啦!愛染祭起源自穿浴衣的藝妓坐橋參拜神社,而本尊愛染明王是替魅力開運,促成良緣之神!所以好多日本人嚟愛染祭都會着浴衣!我都好後悔冇着酒店件浴衣去!哈哈!不過只係望到好多日本小朋友,穿起浴衣份外可愛就夠了!仲遇到兩位穿浴衣的小女孩,望落去好似兩個卡通人物!哈哈有沒有人都覺得似?
不過題外話,其實我都有個疑慮,上網查資料,見到以往愛染祭會有愛染娘坐橋到愛染堂的環節,更可讓民眾坐上橋上,但今年完全沒有這個環節,是為甚麼??

愛染祭 ,日本夏祭 , 日本 ,日本人
現場亦有負責祭典工作的愛染娘。佢地係精挑細選下揀選出來先可以擔任,而且每年都會吸引好多龍友專程來影愛染娘!

愛染祭 ,日本夏祭 , 日本 ,日本人
仲有就係不同類型的舞臺表演,雖然我唔識日文,但睇到日本伯伯在臺上又唱又跳,好有氣氛![開心][擠眼]
總括嚟講,愛染祭其實有少少似香港年宵的氣氛和感覺,是好熱鬧的喜慶日子,好適合一家大小,尤其是小朋友一定喜歡!當然,想穿浴衣和想祈求良緣的朋友都萬萬不可以錯過啦!

地點:四天王寺附近的愛染堂
日期:2016年6月30日(週四)~7月2日(週六)
入場費:全免,各攤位另收費

去片: