A君去首爾,總會去一去網傳熱話人氣店睇睇,眼見先為真嘛!今次上網做research,發現近期韓仔韓妹都喺一間cafe影相,仲話好容易呃like,點解?因為場中有好多小道具,用來擺pose就一流喎!明查暗訪終於搵到係位於弘大的 Contoyner ,當然要去睇睇啦!

09e
Model Yoshi忘我地叫攝影師開工影寫真,攬住個公仔錫錫先。

1.舖頭好細 勁難影!

入到舖頭,真係嚇親!因為場面好混亂,玩具公仔雖然真係堆成山,而且全場不論男女都攞起手機狂影,但係地方細,人又多,好難影到靚相喎!問問店員,原來 Contoyner 每日3點開始已經會多人,想少人影靚相,記得要早少少到!

09c
你睇!幾多人!幾混亂!

_DSF0318
雖然有冷氣,不過真係太亂,想自拍請上天台。

2.上天台才是重點!

睇完好失望?唔好走住!因為 Contoyner 原來有個小天台,場中放滿了不同吹氣小道具如棒棒糖、天鵝、雪糕等等,仲有間勁夢幻的小黃屋,隨手攞起一件自拍已經勁靚,賣萌扮cute搶鏡絕對冇難度!除了韓妹瘋狂自拍,現場仲見到小鮮肉行孖咇忘我地同天鵝合照,真係好想立即畀個like佢哋呀!記住!唔好怕醜先影到靚相嘛!

_DSF1589
天台小黃屋,仲有勁多小道具任君選擇!

09f
韓妹親自示範,仲教路呢期影相要木無表情!

09b
韓仔oppa唔怕眾人目光,兩個人嚟影相,夠膽識!

09g
隨行一定要有好朋友,唔係邊個肯幫你拗腰影寫真?

結論: 咪浪費時間係舖頭,直接衝上去天台影相啦!

上天台自拍效果都唔錯,不過始終唔及有朋友仔幫手影寫真,因為吹氣道具都幾大個,想影晒入鏡就一定要朋友仔幫手!另外,A君去Contoyner嗰陣是炎夏,上天台影相時差少少中暑,貼心提示要帶風扇仔呀!