喂喂喂~小編更新咗平飛攻略台灣篇啦!台灣嘅機票減價戰一直無停過,沒有更低只有更抵!各大航空公司不斷推出新優惠去賣飛吸客,無論last minute 或全年出發同樣有優惠!以後想週末去個短線遊就唔駛諗點同腦細請假啦!大家以後唔好再問小編究竟抵唔抵,入唔入手好啦!宜家入黎睇話哂你知啦!

最後更新:2016年2月25日

注:以下所提及的價錢為來回連稅價錢,及未包廉航寄艙行李費,以淡季作標準。價錢及建議是小編個人之經驗,只作參考用途。

幾錢先係入手價?

最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。

台北/高雄:

tw1(revised)
香港飛台北無廉航,只有4間傳統航空,捕實優惠嘅話買到連稅$900-$1,000難度不大。

想最平飛台北嘅話就睇港航,佢周不時會出Last minute 勁抵優惠,而前一排試過最平賣連稅$710,呢啲優惠可遇不可求;其他日子出發嘅話,而家四大航空公司全部都出哂全年優惠,港航賣緊來回$600 (連稅$838);華航貴少少,但連稅都低過一千(台北連稅$975、高雄/台中連稅$1,017),而且可以不同城市來回,例如台北入、高雄走;而小編覺得長榮係性價比最高之選,比起華航貴$100,來回$851 (連稅$1,089),亦仲可以早去晚返!最後國泰/港龍航空同樣有個全年優惠來回台北/高雄$797 (連稅$1,132)。咁多間價錢都係幾百蚊上落,睇下Fans 鍾意邊間喇!

除左全年優惠之外,平時長榮/華航一個月都會出一次限時優惠賣平飛,比起全年優惠平幾十至一百左右。

暑假嘅話,暫時只係得港航有暑假優惠,價錢同淡季差唔多,雖然只限晚機但係都值得入手。

而澳門Fans則可以考慮埋虎航,長期都做緊來回連稅$600既優惠,而且暑假公眾假期旺季都有。

台中/台南:

tw2-1

台南雖然只係得華航直飛,但一樣長期都有優惠,入手價同台北高雄一樣,約$1,000;而港龍亦有飛台中,不過根據經驗勁少減價,仲要價錢長期貴過台北/高雄。至於台中可以考慮埋HK Express,入手價約$700!但要注意20KG 行李每程已經加價至$225,所以記得要同朋友Share 行李呀!

結論:

1. 今年比起往年不同,而家全部航空公司都出哂全年優惠,想去台北嘅話其實唔需要再等,再減價嘅空間不大,已經可以入手架啦!記住早啲訂嘅話先有早去晚返平飛。
2.如果想玩多過一個地方,只需要留意華航及國泰/港龍,可不同城市來回。
3.以上優惠只得7日逗留期限,故此建議想去足成個月環島遊既fans,買HK Express來回台中會比較化算。

* Flyday在此優惠刊登前,已作出訂購測試,確保優惠有效。然而,優惠可能經宣傳後反應熱烈而有所調整。