5百円夠做咩?食碗松屋都無咗啦,點會諗到有松江廣島的長途 巴士 夠膽只係收5百円先!
剛剛去完 島根 的松江和廣島旅行,好啦,嫌貴死唔買JR PASS,堅持慳家坐 巴士遊 ,由廣島出發去 島根 出雲,車程3小時10分,車資¥4,100,以為好抵啦!點知我錯在一時疏忽,無認真格價,唔知道一畑高速バ ス一直都有個外國人專享的長途 巴士 優惠。購買時只需出示護照及回答一份問卷,就可以¥500超抵價買到廣島和 島根 的車票,變相即係一折就坐到!‌

IMG_7150
去島根不是只得出雲大社的,仲有松江城、宍道湖、玉造溫泉可以去玩的,我去了3天嫌不夠時間呢!

雖然 巴士 無去出雲,但人氣景點松江、玉造都會停站,車票只可在乘搭日前一天或當天購買 ,車程由廣島到松江大約3小時14分鐘,建議stay松江再day trip去出雲,到是坐JR山陰本線到出雲市轉坐一畑電車(車程約1小時23分鐘,車資1,070yen),雖然廣島有巴士直接去出雲市,但去到出雲市夜晚都係無野做,寧願住松江,加上one coin 真係抵到爛,點解我會無留意到,嗚嗚嗚……

IMG_7142
廣島去四國、山陰一帶也很方便,當然花點時間去尾道和宮島玩也不錯,而廣島市暫時是在山陰一帶最好shopping的地方,大家想要的日本品牌都可以找到。

bus

一畑高速バス
路線:松江広島線
途經車站:
広島方面:大塚駅・広島バスセンター・合同庁舎・広島駅新幹線口
松江方面:松江しんじ湖温泉・松江駅・玉造・宍道・加茂・木次高速
購買地點:島根一畑トラベルサービス 松江駅前営業所(JR松江車站前),広島バスセンター(廣島SOGO 3F)、スワロートラベル広島店(JR広島駅新幹線口2F)
票價:¥500
網址:www.ichibata.co.jp

同場加映 半價坐巴士遊米子廣島
9月14日買了飛坐直航去鳥取米子的話,計劃行程時除了可以考慮去埋 島根 之外,其實仲可以選擇去埋廣島,再由廣島飛返香港的。由鳥取米子返廣島可考慮坐外國人尊享的巴士半價優惠,一張飛不過¥1,950,車程大約3.5小時,超抵坐!

IMG_6161
鳥取不止二十世紀梨的,還有超級漂亮的大自然景色。在植田正治写真美術館看那個有「伯耆富士」之稱的大山,拍起來不比富士山遜色。

日交高速バス
路線:米子広島線
途經車站:米子駅前 、大塚駅、広島バスセンター、合同庁舎、広島駅新幹線口
購買地點:広島バスセンター(広廣島SOGO 3F)、スワロートラベル広島店(JR広島駅新幹線口2F)、米子駅前バスターミナル(JR米子駅前)
網址:www.nihonkotsu.co.jp