大家即使未去過宜蘭,都一定知道宜蘭三星鄉盛產三星蔥
由於三星蔥本身帶甘甜的味道,用嚟煮餸或者做伴手禮當然一流!

當然嚟到宜蘭嘅夜市都好多用三星蔥製成的小吃,
今次小編就介紹一下呢個喺羅東夜市多蔥到爆炸嘅三星蔥多餅!

呢檔喺羅東公園近公園路入口嘅賴記,係賣三星蔥多餅,
佢嘅餡餅勝在多蔥,食落口就感受到很香的三星蔥味道。
店家一個人包、一個人炸,先將包含三星蔥及肉碎的餡料放入特製嘅餅皮/包子裡(其實佢似包多過似餅),
然後將個包放上去油鍋裡面炸,炸至金黃色後拎上去隔油,
再撒上故椒粉後就大功告成了(一個NT$35,三個NT$100)。

小編先慢慢咬開黃金脆脆的外皮,其實外皮做得不錯的,
然後望見餡料入面,真係好多好多三星蔥呀LOL,
而且店家將三星蔥嘅香同甘甜帶到出來,
小編作為一個愛蔥之人,真係好難唔讚呢道小吃!
雖然店家自己有特製醬汁供客人加入餡裡,
但係小編唔記得左加埋入去試試Sosad,但唔加都已經好好食。
再望望店家喺店後面預先準備好的蔥粒,
小編覺得唔理你中意三星蔥與否,嚟到羅東真係要試下!

地址:宜蘭縣羅東鎮公園路上(近羅東公園入口)
營業時間:待查

*想知多啲關於台灣的資訊同美食好去處,記得鎖定 台灣.日和