生活在香港,人好容易迷失,日夜忙碌工作,為樓死為車忙。正正因為咁,唔少人會「出走」,或者「放個Gap Year」嘗試「尋回自己」。之不過,出走過後會有重回社會的一天。老板老闆此時就會俾說話你聽,例如:「成年無做嘢,一定唔熟個Market」、「玩足成年,唔知你幾時又會想走」、「去旅行學到咩吖」等等理由去界定你為「全新的人」(姐係未做過嘢果啲)。

你心諗,旅程當中我遇到嘅千奇百趣,你識what spring吖?呢一篇文,就係講如何將旅遊經歷寫進CV,亦為你提供增進自己CV的方法。

#狼之的背包:https://www.facebook.com/auo.page
原文:http://leechunheifrancis.blogspot.hk/2014/07/cv.html

1. 交流計劃或海外義工

唔係講緊大學交流果啲,而係真真正正在外國工作或者幫助建設的計劃。
不過當中有竅門,就係同自己的專業有關。讀建築/設計可以到發展中國家幫助居民改善生活;翻譯學生可以幫外國公司開拓其他巿場;程式設計可全海外公司偷師,關鍵係用自己的興趣或專業。唔知自己想做咩?旅行更加令你認清人生方向!

相關Keyword:Workaway、Goabroad

2. 旅程中學多一種語言

出走旅程,通常會走到陌生國家。言語不通,反而是個學習好機會,誰知道你會唔會在當地因此找到工作或者未來工作與該語言有關?西班牙、德文、法文、韓文、日文也許對你未來工作有幫助吧?而呢啲正正有好多係有「工作假期」的國家。

相關Keyword:Duolingo、fluentin3months

3. 寫一個Blog

此為一石二鳥之計,一方面可以同朋友分享你的驚險旅程,另一方面亦係你展示自己強項的好地方。你的文字、相片、經歷、喜好分分鐘會成為僱主看中你的部份。有唔少設計師、攝影師也是從旅程中找靈感。小編也是誤打誤撞寫Blog先有機會入行。

相關Keyword:[email protected]、wordpress

4. 工餘時間學一門手藝

與其hea,不如學習手藝,在外國應該比香港多工餘時間吧。考潛水牌、考TEFL、學沖咖啡、學廚等等,依自己興趣學習。在外地當潛水教練,或在香港開意大利餐館,近年都聽過不少成功例子。

5. 吹多啲水,建立自己的人際網絡
在一整年的旅程,你會遇上不同種類、不同職業、不同想法的人,而呢班人會俾到你生命的啟發。那怕係街頭賣藝者、大學生、銀行家、不務正業的流浪漢,與他們的對話,更勝過同HR、就職輔導。因為他們帶給你人生的看法而不只是事業的看法,留在香港幾十年也未必看透!

關於旅遊工作的看法,就係被回程飛機隔離果位影響!

仲有冇其他用旅行增進CV的方法,或者說服你老闆旅遊經歷如何幫助你?就靠你自己喇!