市道低迷,零售、銀行業相繼炒人,最近去到航空公司、傳媒行業都傳出裁員消息,究竟一間崩壞的公司有何跡象?打工仔又如何避免「中伏」呢?

正所謂良禽擇木而棲,遇著問題公司同老闆真係講多無謂!美國一個財經網站月前列出「7 個問題老闆」的徵兆,各位新入職打工仔,不妨參考以下徵兆,如果發現公司氣氛古靈精怪,務必提高警戒!

原文刊於:《經濟一週》

badEmployer
美國財經網站Business Insider羅列嘅「問題老闆 7 大特質」,文章先在LinkedIn廣泛流傳,共鳴者眾。

徵兆01 | 愈做愈縮

例子:假如去年同期有四位同事負責你的工作,今年卻只剩下你一個,常用理由係「資源調配」、「整合人手」,請留意實情工作量有冇少過?公司是否期望你一腳踢完成手上工作,只求資源慳到盡頭?

job_cap04
擷圖來源:擷電視CapTV

徵兆02 | 公司人人頭耷耷

公司氣氛方面,將會愈來愈似「活死人空間」,碰口碰面沒有人談天,或者沒有人微笑,他們甚至逃避你的眼神⋯⋯

job_cap11
擷圖來源:擷電視CapTV

徵兆03 | 部門分工 神神怪怪

部門分工 神神怪怪
擷圖來源:擷電視CapTV

同事愈來愈不願意,或者絕少透露他們的工作情況⋯⋯(好明顯係大家都無心戀戰,各自搵後路!)

徵兆04 | 上司瘋狂數落前同事

當你問及上司,關於上手同事因何離職時,你見他帶你「遊花園」、不停數落上一手同事的工作問題時,就要多加小心,這種上司已經陷入「搵替死鬼焦慮症」,下個好有可能係你!

擷圖來源:《旋風腿》
擷圖來源:《旋風腿》

徵兆05 | 老細冇影、同事當佢透明

如若你係初入職,留意初到公司報到一刻,若然沒有人介紹上司或老闆給你認識、老闆經常失蹤,就要提高警覺。呢個時候你可以查問一下同事「上司的管理風格」,如若他們異口同聲講「怪怪的」、「有點緊張」,如此門面工夫客氣說話都懶得講,你就要考慮試用期前撤退。

擷圖來源:《旋風腿》|老細無影、同事當佢透明
擷圖來源:《旋風腿》

徵兆06 | 談及老細、驚現「北韓style」

若然你喺新入職頭幾天,想搵人多介紹幾個同事畀你識,對方就提高驚覺話「嗰位同事唔太想講老細是非」,有如驚弓之鳥,反映出老細本身一定好唔鍾意被人講,留意你個位有冇監控偷聽器!

job_cap09
擷圖來源:《哪一天我們會飛》

徵兆07 | 人治定係做生意?

最後一個信號,其實亦係喺求職前、新入職時就可以探測得到,就係當你問及公司入職要求時,如果對方答案是「勤奮、忠誠、欣賞公司和尊重上司( Hard working, loyal, appreciative, and respectful)」,如此泛泛之談,好明顯間公司就係人治多過做生意,運作上肯定對職工冇好處!

job_cap02
擷圖來源:擷電視CapTV

融入公司的工作氣氛,可以使員工工作起來事半功倍;但若公司氣氛古靈精怪,工作都不見得順心。

如果非常幸運地,大家的工作環境沒有以上問題,那就太好了,可以在工作上好好發揮。

如果不幸地中了以上的徵兆,就真係要快快轉換工作環境了。

相關文章

國際抱抱老細日?! 外國 boss 與華人老闆的 8 大分別

我認為,成日請假去旅行嘅人,其實對公司嘅效益更大