IMG_20140327_134431

你以為在港島 暢錢 一定去 百年 ?錯!百年晨早已被我 blacklist,寧願暢貴點,都唔去 百年 !

首先規矩多多已經好麻煩,又要預訂,又要指定時間去攞,又要排隊,又冇得改。

berlin
圖片來源:百年找換店

最唔得係服務態度出名差劣,被人黑面係好閒,被人小更加係家常便飯!曾見證住職員對住個客破口大罵:

「我哋係咁㗎喇!你唔鍾意就唔好嚟!」

點解暢個錢都要抓爛塊面冇晒尊嚴?以下真人真事親身經歷,先係死因。

話說,有一次我一早訂定幾萬蚊港紙的歐元,三十幾張銀紙,有一大半都印上一個「龍」字。收到「龍的全銀」當然唔高興,但我都保持禮貌地問可唔可以幫我換,職員竟然話:

「唔會有問題㗎喎!你用唔到先攞返嚟換啦!」

吓!咁點得呀!心諗:大佬,我去到歐洲都要用錢㗎,用唔到你係咪飛過來幫我暢番先?如果冇問題,你又點解唔肯換畀我先?苦苦堅持,已經沒意思。擾攘一輪後,最後職員用極不耐煩的態度話:

「咁一係你唔好暢囉!」

我都未發脾氣,你竟然先發晦氣?咁我梗係成疊銀紙還番畀佢,我發誓以後唔會再幫襯!

唔再受氣,轉戰上環「找換街」

自此以後,我每次 暢錢 都會遠少少去上環,有「找換街」之稱的急庇利街牛記就係我首選。優點是職員有禮又勁快手,就算要排隊都好有效率,唔使 book, 次次都有貨。兌換率唔係隻隻去到最平,但睇番下表,22/8 的日圓其實只係同百年差0.0001,兼且唔使再受氣,抵番晒!

百年兌換率:

bcel02

牛記兌換率:

ngau

牛記找換
地址:上環急庇利街1號長達大廈地下
電話:2850 5057
營業時間:星期一至五 9:00am-5:30pm,星期六 9:00am-5:00pm,星期日及公眾假期休息

下一頁:找換店 匯率比較 10間店舖邊間最抵?

延伸閱讀

必要時救你一命 | 境外ATM 提款 5 部曲

外遊兌錢要小心!旺角 兌換黑店 實錄 

10個 日本旅行省錢小妙招