強國人一方面成日都話要「抵制日貨」,但從來都係「口裡說不,身體卻很誠實」,仲成日去日本幫忙「打救經濟」,「爆買」行為日本人早已見怪不怪。最近新一季日劇開鑼,我當然即追!其中由我最愛嘅向井理主演嘅 TBS 新劇《擁有神之舌的男人》前晚播出首集,播出嘅內容指中國遊客殺入溫泉區破壞幽靜環境,仲有意無意加插 強國人失禮行為 ,可謂_出國際!

第一宗罪:溫泉區內大吵大鬧


強國客出名講嘢有中氣,去到寧靜嘅溫泉區都不忘自拍喧嘩。

jp_drama_chin04
圖片來源:日劇《擁有神之舌的男人》

第二宗罪:溫泉區不忘「爆買」

jp_drama_chin05
圖片來源:日劇《擁有神之舌的男人》

呢團強國客嘅領隊不停叫團員「買多啲買多啲」,見到大家都一袋二袋咁,睇嚟真係收獲豐富。

第三宗罪: 旅館大堂耍太極

鏡頭一轉就見到主角向并理一行三人嚟到溫泉旅館,點知就見到一班強國客喺大堂耍太極,注重健康係啱,但唔該睇下場合啊⋯⋯

jp_drama_chin03
圖片來源:日劇《擁有神之舌的男人》

第四宗罪:同死屍自拍是必要吧

鏡頭又一轉,因為河邊發現屍體,所以佢哋又過咗去,鏡頭前方見到木村文乃睇緊條屍,鏡頭後方就見到一班強國客爭住自拍,難得見到屍體,當然要唔執輸狂影吧!

jp_drama_chin01
圖片來源:日劇《擁有神之舌的男人》

第五宗罪:睇熱鬧,仲加把口叫人出手

強國人最鍾意熱鬧,劇情講到當地人因為同調查人員起爭執,喺一邊食花生嘅強國人就係咁叫人出手「打倒!打倒!」,完全符合國情。

jp_drama_chin02
圖片來源:日劇《擁有神之舌的男人》

第六宗罪:聲大夾惡無禮貌

劇情講到向井理為溫泉旅館20位中國遊客提供「三助」服務,喺一邊協助嘅佐藤二朗幫手淋熱水,點知水太熱,強國女人就發晒脾氣大鬧!

jp_drama_chin09
圖片來源:日劇《擁有神之舌的男人》

第七宗罪:捉螢火蟲,破壞自然生態

當地其中一個賣點就係有螢火蟲出沒,向井理三人喺房突然見到出面閃閃下,原來係有大量螢火蟲,點知一打開窗,就見到幾個強國客喺度捉螢火蟲, 大殺風景啊!

jp_drama_chin06
圖片來源:日劇《擁有神之舌的男人》

強國人點睇?

睇開日劇嘅我最愛去bilibili追新番,因為有彈幕,大家可以一邊睇一邊留言,有時仲好笑過劇情。留言會員多數嚟自大陸,今次呢套播出諷刺強國人時都有唔少會員留言,其中一個仲話「這也不算黑,現實啊畢竟」,連自己友都好似幾認同劇情咁喎!

jp_drama_chin10

講到螢火蟲一幕,出現繁體字留言「大陸人又在破壞生態了」,睇嚟其他地方嘅會員都睇唔順眼。

jp_drama_chin11

同場加映:「無我哋,你哋執咗啦!」

其實除咗《擁有神之舌的男人》,年初嘅《直美與加奈子》都有諷刺強國人嘅劇情,入面提到高畑淳子飾演嘅李社長喺百貨公司順手牽羊嘅情節,事發後仲勁厚面皮咁話「以為係免費」,仲話「冇中國人去買嘢你哋做唔到落去」,認真厚面皮!

jp_drama_chin07

jp_drama_chin08 強國人失禮行為


fb