(Presented by Hotelscombined)
下星期一就係立冬,意味住冬天正式開始!冬冰冰嘅日子除咗最啱打邊爐(其實香港人覺得一年四季都最啱烚吓烚啦吓),最正嘅莫過於浸 溫泉 喇!講到浸 溫泉 唔一定要去日本,北台灣都有大把選擇,而且仲要係交通方便,部分坐程捷運就到,絕對搵唔到喺台灣唔識路而去唔成嘅借口!今次就等我Travel 佳推介返北台灣3大溫泉畀各位,等大家成身暖晒啦!

1 |古色古香做全套@北投

講到台灣北部最好feel 嘅溫泉,當然係北投啦!呢度喺日治時期已經好出名,據講當地嘅泉水對皮膚病、神經過敏、氣喘、風濕等特別有功效。啱晒香港一班為咗2萬蚊都唔夠而捱到半死嘅打工仔過嚟,好好療養自己!而北投嘅溫泉旅館、酒店、會館主要集中喺中山路、光明路同北投公園地熱谷附近,大約有44家,各有特色,總會搵到一間啱你心水!
推介去4星級嘅皇家季節酒店台北北投館,呢間酒店鄰北投捷運站,既有溫泉,仲可以做埋Spa,成日嫌自己未夠靚嘅女士好去幫自己加加分。梳夫完仲可以去離酒店唔遠嘅景點參觀,了解當地溫泉歷史。我阿佳上次就去咗北投溫泉博物館同北投文物館,浸過歎過再認識當地溫泉嘅人文歷史,做足全套,不知幾爽!

皇家季節酒店台北北投館:https://goo.gl/jcnm8a
其他景點推介:吟松閣、星乃湯、瀧乃湯、北投公園、北投圖書館
北投前往方法:搭捷運淡水線至北投站,再轉捷運至新北投站。

北投_溫泉_台灣
北投溫泉圖@Flickr(familyfriends754)

北投_溫泉_台灣

2 |情侶浪漫勝地@陽明山

陽明山係深受港、台情侶喜愛嘅「台北後花園」,喺台北人快速逃離城市生活嘅理想地!去行吓冷水坑、牛奶湖、大油坑、小油坑等名勝,吸吓大自然仙氣,真係特別醒神!陽明山除咗係每年春、夏賞花熱點外,嗰度嘅溫泉都好出名!
推介入住陽明山中國麗緻大飯店,帶畀你同另一半頂級嘅台北溫泉之旅!酒店位於陽明山國家公園內,擁有最優質嘅白磺溫泉,浸完包你精神爽利。你仲可以一邊浸溫泉,一邊享受自然美景,感受被群山環繞嘅氣勢!
陽明山中國麗緻大飯店:https://goo.gl/Gh2fnr

其他景點推介:竹子湖、中山樓、草山行館、陽明書屋
陽明山前往方法:喺新北投捷運站隔籬嘅北投公園搭230或者小9巴士就可以去到。
陽明山_溫泉_台灣 陽明山_溫泉_台灣

3 |食完又浸 浸完再食@宜蘭礁溪

位於宜蘭嘅礁溪溫泉,由台北坐車去1個鐘頭就到,唔算好遠!嗰度除咗可以浸溫泉,試一試溫泉魚食腳皮外,我阿佳仲推介你去羅東夜市「掃街」!難得去北台灣嘅宜蘭,一定要試試奶凍卷、包心粉圓、三星蔥油餅,一於食完又浸,浸完再食。
推介入住礁溪老爺大酒店,皆因由台北市中心前往唔洗50分鐘車程,你就可以喺五峰旗風景特定區入面歎世界!佢後現代的嘅日式禪風設計,創造出簡約、悠閒嘅空間,喺咁嘅環境浸溫泉,真係一流呀!
礁溪老爺大酒店:https://goo.gl/fCeHTp

其他活動推介:到外澳、烏石港滑浪或到海灘試玩滑翔翼
宜蘭礁溪前往方法:
1 )從台北市政府捷運站,搭乘首都客運到礁溪站,約40分鐘。
2 )從台北車站轉運站,搭乘葛瑪蘭客運到礁溪站,約60分鐘。
宜蘭礁溪_溫泉_台灣

宜蘭礁溪_溫泉_台灣

宜蘭礁溪_溫泉_台灣
想知更多溫泉酒店資料,即下載HotelsCombined手機App
iOS: https://goo.gl/dWX5FY
And: https://goo.gl/uORVUp