係香港,有好多地方,自己日日經過唔覺眼,無望多兩眼亦都會停低睇下,但原來外地人覺得係一件好靚景物。
是咁的,前排,有外地朋友第一次黎港,諗住搵我玩,其實我一開始都係諗住HEA佢地而且第一日只要半日時間玩,所以先選尖沙咀。佢地黎之前,當然要做一點準備工作,由於係

想住好一點,所以選左係交通方便嘅尖沙咀區內酒店,而且部分酒店房間可以睇到維港夜景,

朋友黎到後,已經係下午,即刻搭左個站落尖東,首先去行下手山型購物商場,當然係海港城,旁邊星光行都可以順便睇埋,反正各大品牌的分店都差唔多係度搵度,都係個句,你覺得好正常,佢地覺得好正。

掃完貨緊係好支力但又未夠鐘再食野,就帶左佢地去參觀香港其中一個博物館,就係太空館,入去睇套3D戲就可以解決呢個問題。

在此輸入文字

套戲大約30分鐘,時間岩岩好。

隻腳休息下,其實體力又好番好多,之後當然要出去影下有殖民色彩嘅歷史建築,第一站就係去係碼頭旁邊座鐘樓,唔知而家後生仔知唔知鐘樓係以前火車站黎呢?

(我影過好多次,好似呢張係車度影出黎仲好D)

行前少少就可以望到維港夜景。

其實碼頭旁邊D鋪頭都可以行下,有間賣巴士模型80M,因為好少國家會通街都係雙層巴士。而且像真度都幾高。

旁邊就係地標-尖沙咀五支旗,想同五支旗合照其實都有難度。

再行過少少,就係1881法定古蹟。

可能你成日去影相,但1881前身係咩東東又知唔知呢?其實佢以前係香港水警總部,而家就保留左部分古蹟變另類商場。

呢部電梯究竟個制係邊?我都諗左5秒先搵到。

前香港水警總部時間球塔。

旁邊半島酒店,其實搵到錢都應該去住一晚體驗下咩叫享受人生。可惜我未有。

行多陣就肚餓,就帶左佢地去食澳門概念茶餐廳,(即係澳門茶餐廳),因為香港其中一個特別之處就係可以食盡各國美食。

食完就返酒店,希望可以比到讀者有少少IDEAS如果有人黎香港應該點帶佢玩。
如有任何疑問可電郵:[email protected]或PM我

Tags :