今次介紹給大家6大交通方便行山路線,全部都係港鐵直達行山徑。行山去到荒山野嶺,最怕就係電話收唔到又冇車出番市區,都咪話唔驚!好彩,香港山徑總有啲喺市區,坐港鐵都可以直達,雖然價錢有加冇減,但對行山人士嚟講,都不失為一個好選擇。

撰文:Fitz.hk

香港行山路線| 6大交通方便行山路線!全部都係港鐵直達行山徑

香港行山路線| 6大交通方便行山路線!全部都係港鐵直達行山徑

1. 美孚站:金山馬騮團

全長:約5公里
需時:2-3小時
行程:由美孚站(荃灣線或西鐵線)經荔枝角公園上鐘山台,經長坑村後,抵達九龍接收水塘及金山樹木研習徑。
備註:終點可接入麥理浩徑或衛奕信徑繼續行程。
香港行山路線| 6大交通方便行山路線!全部都係港鐵直達行山徑

2. 香港大學站: 港鐵直達 龍虎太平山

全長:3公里
需時:1.5小時
行程:由港鐵站出發,經香港大學校園的大學道,左轉旭龢道,經消防局接克頓道。抵龍虎山繼續上至山頂公園。可回頭落山離開,南下往薄扶林,或接港島徑繼續行程。

香港行山路線| 6大交通方便行山路線!全部都係港鐵直達行山徑
圖左:山頂公園  |  圖右:龍虎山嘅無敵維港景

3. 油塘站:魔鬼山衛徑3段

全長:8公里
需時:3-4小時
行程:油塘站出發,經將軍澳墳場進入衛奕信徑第三段,上魔鬼山,然後到馬油塘、大牛湖,最後抵井欄樹(清水灣道)。

香港行山路線| 6大交通方便行山路線!全部都係港鐵直達行山徑
圖左:魔鬼山  |  圖右:衛徑3段

4. 青雲站:一條氣上青山

全長:6 公里(來回)
需時:2-3 小時(青雲輕鐵站,可由兆康西鐵站轉輕鐵 610 或 615,約 20 分鐘到)
行程:由青雲站(或青山村站)出發,經揚青路到達青山寺路。然後一條氣直上,經青山寺後,可沿小路上青山山頂。登頂後,可掉頭落山,或往北經菠蘿山到下白泥,往南到蝴蝶灣。
吸引之處:青山寺為香港歷史最悠久之廟宇,而青山亦是「香港三尖」之一,景色壯觀,可遠望整個新界西、青衣,甚至中環。

注意:初段雖然是馬路,路況極佳,但斜幅十分大,極考驗山友體力。而末段泥石路亦不易行走。若要去下白泥或蝴蝶灣,山路相當難行,必須由有經驗人士帶領。

香港行山路線| 6大交通方便行山路線!全部都係港鐵直達行山徑
(圖:Wong Mason) YouTube截圖: https://youtu.be/6-B5wR7KuQY

5. 柴灣站:港島東之盡頭

從砵甸乍山拍攝的日出 (主場博客圖片)
從砵甸乍山拍攝的日出。(主場博客圖片)

全長:4.7 公里
需時:約 2 小時
行程:柴灣站經環翠邨側之連城道,再接歌連臣角道。離開墳場區後,右轉入砵甸乍山郊遊徑,最後直達大浪灣。
吸引之處:沿港島東海邊而行,海景極靚,天氣好仲可以望到將軍澳。大浪灣有史前石刻睇。
注意:有人從小西灣海濱花園出發,經龍躍徑接砵甸乍山郊遊徑。而中途又可接港島第八段。

6. 粉嶺站:游走大刀刃

全長:9.2 公里
需時:約 3 小時
行程:由粉嶺站出發,到蓬瀛仙館,經蝴蝶山徑,再接大刀刃徑。沿路經過北大刀刃(480 米)及大刀刃(566 米),最後到達林村。可在林錦公路離開,或遊覽嘉道理農場。

吸引之處:大刀刃山勢特別,頗有難度,對山友極有挑戰性。大刀刃可飽覽錦田景色。
注意:這段路有超多樓級要上要落,雖然路況不俗,但體力欠佳者請三思而行。

大刀刃山勢險要,山頂有香港難得一見嘅鐵造欄杆。
大刀刃山勢險要,山頂有香港難得一見嘅鐵造欄杆。