1. 《奧本海默》資訊量過多節奏又慢
《奧本海默》為3小時電影，首2小時基本上都係介紹人物、著重原子彈究竟如何被製造、點奧本海默會參加「曼哈頓計畫」等。而因為咁重的資訊量就令唔少網民大呻好悶、好難頂，形容成套戲好似「9成時間係班麻甩佬x up，口水多過茶」為咗最後一小時而過重的鋪排，如果觀眾無咁好耐性，可能都忍唔住走咗。
不過都有網民力撐Nolan，認為Nolan係假設觀眾唔認識奧本海默呢位人物的情況出發，令觀眾可以理解同代入電影，先會介紹咁多人物資訊同背景，如果唔係根本唔明，同埋指「人物傳記電影係咁架啦」！
2. 羅拔唐尼做反派原因牽強
《奧本海默》講述《鐵甲奇俠》的羅拔唐尼(Robert Downey Jr.)，係飾演美國原子能委員會創會成員之一劉易斯斯特勞斯(Lewis Strauss)，係電影中的反派，想推倒《奧本海默》撤銷佢的安全許可證。而其原因就係因為奧本海默喺有一次公開場合上寸親羅拔唐尼，再加上羅拔唐尼認為係奧本海默令愛因斯坦唔再理佢，簡單啲講就係出於小器，Lewis Strausst就係方丈！網民就認為呢個理由實在過於牽強，無法說服觀眾，竟然因為咁小事就要勞師動眾做咁多嘢。不過都有網民認為Nolan咁的安排好新鮮又貼地，竟然係因為「方丈」你又點會估到！
3.人物傳記玩時空跳躍
名導基斯杜化路蘭(Christopher Nolan)相信大家都唔陌生，佢係一位英裔美國電影導演。Nolan以其獨特、複雜、非線性敘事風格而聞名，經常以探索記憶、身份和時間為主題。今次《奧本海默》同樣有玩唔少時空跳躍、非線性敘事，不過網民就認為今次人物傳記的電影唔係好啱玩，仲要玩到好似為玩而玩，只會令到普遍受眾都係覺得悶、難明、 唔知講乜，最後只會得出一句「Nolan風格係咁架啦、自己唔睇哂原著成本傳記先睇戲怪邊個」。同樣有觀眾支持，認為如果咁重資料量的電影仲要平鋪直敘，會更加悶，而且睇Nolan電影都會想睇吓佢呢種有佢風格的剪接。
