港人在外遊大聲說話無視店員勸喻　嘈走其他食客　網民鬧爆：全世界都望住

日前有網民於Facebook群組「西環變幻時」中分享一則帖文，講述到他在新加坡外遊時見到兩位港人在書店咖啡店中大聲高談闊論，店員更出面勸喻他們降低聲量，令到同為香港人的網民要在網上提醒港人在外地要自律，不要大聲說話，以免影響到港人形象。

2位港人在書店咖啡店大聲講嘢　經理勸喻不果

當日事主在新加坡歐南園附近的一間書店咖啡店中飲下午茶，而當中在一枱約10人的食客，有本地人及2名香港人。事主指當中最嘈的就是2名香港人，言談越講越興起，大聲到影響到其他人閱讀，要店員出面提醒二人要「靜少少」。但過一陣子，又再開始大聲說話，店員再次出面提醒。食客都被聲浪滋擾，相繼離開，而新來的食客就大聲向二人：「Shu…」， 示意要他們安靜。

擔心港人形象負面：出外自律啲

事主擔心港人形象受挫，於是呼籲港人要出外要自律一點，為他人着想，不想當地人對港人有負面印象。

網民：香港人一早臭朵

有網民就指早幾年前香港人印象已經受挫：「我住台灣，捷運同旅遊區遇過太多講嘢好大聲嘅香港人，仲要完全唔知自己講嘢大聲，全世界望住都唔識收斂，一係就以為周圍嘅人都唔識聽廣東話，講咗好多現場唔應該講出口嘅說話」、「港人名聲都好差，好多空姐空少都唔鍾意，我試過去日本民宿，佢知係香港人都爭啲唔畀book，佢哋話之前嗰幾個香港客好差，無手尾又貪心，拎曬啲嘢走」、「其實有啲人講嘢慣咗好大聲，叫極佢細聲，一陣又好大聲」等。