撰文：MM、杜遊珍 ｜ 圖片來源：討論區、新傳媒資料庫 ｜ 編輯：MM
亞洲旅行撞鬼故事
01 | 泰國遇阿「飄」
早前旅遊討論區泰旅谷真好玩，有網友閒聊出一feed，問有冇人試過喺泰國酒店遇到阿「飄」…… 即刻引起熱烈討論。阿「飄」神出鬼沒，最常見的現象係電視機自動開咗，或者突然熄咗……
傳聞做鬼都怕悶，所以開著電視的地方，就是佢哋最鍾意流連的地方！阿「飄」很喜歡看電視，經常趴在電視前目不轉睛地看著。酒店的電影更易成為佢哋嘅聚腳位……
早前亦有不少網友在討論區聊過去旅行的靈異事件，卻不止發生電視機自動開關的情況，而是更恐怖的，阿「飄」藉著電視機讓你見到「他」……
常言鏡子是阿「飄」現身的媒介，但現在連電視螢幕的反光都可以看到「他們」，半夜看到真的會嚇死！
布吉怨氣強易撞邪！
講起泰國嘅阿「飄」，好多人留言指布吉最多，皆因自從2004年布吉海嘯後，成百上千的民眾、遊客葬身巨浪下。有指天災後鬼魂的怨氣好強，也有不少旅人在布吉經歷過撞邪事件。
有旅人試過一次恐怖的經歷，並指真係嚇到太驚，從此不敢再去。
同你爭房……
更有人在芭堤雅酒店，經歷過同阿「飄」爭房的經驗……
酒店房外有「人」唸經……
泰國有咁多寺廟，經過時聽到有僧人唸經就真的正常不過。可是，在酒店房內聽到有堆人在外面唸經就……
最奇怪的是，打開房門又見不到有人，關門之後又回復安靜，那到底……可能「他們」成功入房！？
02 | 東京池袋最猛鬼！
有遊客話去泰國未試過，反而去東京就試過！原來早年嘅池袋附近有好多殯儀業，有唔少殯儀業店舖聚集，所以傳聞指池袋都有好多靈界嘅朋友。
即使係日本人亦唔太願意入住該區的酒店，所以有啲旅人免得過都唔住嗰頭嘅酒店……
左邊膊頭 被「朋友仔」拍到瘀咗
一對夫婦住日本池袋酒店夜晚瞓瞓下，老公的膊頭被拍咗一下，然後二人醒咗，也確實聽到張被有人用手搲的聲音……
突然被「朋友仔」攬住 仲傾埋偈
這位朋友的撞鬼經歷相當驚嚇，不但有身體上的接觸，還進一步一齊傾偈……
身邊不斷傳來「喂」、「喂」、「喂」……
不過編輯問起身邊的朋友有冇撞鬼體驗，朋友A就說出以下的「撞邪」事件。事緣朋友A於東京某知名酒店，在昏暗的走廊步行準備出街，事主突然聽到陌生男子在身邊附近呼喊，講廣東話的一個「喂」字，還 不停地重複「喂」、「喂」、「喂」……朋友A諗住隻嘢咁猛識講廣東話，反正時運高睇唔到，即刻走入?。
點知一入?又傳來「喂」、「喂」、「喂」…… 朋友A嚇到震晒！
後尾諗住攞起手機求救，真相大白….. 原來係因為朋友A唔知幾時打咗畀朋友B，然後所謂的「喂」、「喂」、「喂」……也是朋友B嘅呼喊（笑話一則）。
03 | 香港長洲 屢傳鬧鬼事件
至於香港，好多人去離島住度假屋後，都會出事！當中，長洲可謂是最猛鬼的地方，網民都講咗勁多鬼古，竟然有朋友仔因為撞鬼嚇到寧願瞓喺碼頭。
畢業旅行營地 見到個頭周圍飛……
小學畢業旅行的年代，原來很多人都會去長洲舉行畢業旅行。有網民講起小學畢業旅行，話見到有一個頭周圍飛，嚇到該名女同學要家長接走。
04 | 台北「百厭星」搗亂
台北唔少酒店周不時都會傳出鬧鬼事件，有網友就指曾入住台北金國際旅館，checkout的時候，發現同行朋友的其中一隻波鞋被「人」踢到床底最入的位置，非常不自然……
之後再有朋友住那間旅館，夜晚不停有人開門、水龍頭突然自己打開……其實上網一查這家旅館的名字，就會發現不少類似事件……
05 | 廣州酒店遇惡靈
突然有電器自動開關、敲門都可能是有阿「飄」太無聊才作出的惡作劇，「他們」卻未必真的有意要傷害你。但有網友的經驗是，有惡靈開口直說要「郁」他們！
而最恐怖的是，他們一覺睡醒才發現，房內有一幅像惡魔一樣的畫……
06 | 新加坡「不速之嚇」
記者Ms. F說：「多年前去新加坡做消暑特集，跟 model 分別入住兩間相連的connection room。到半夜，隔壁房有人不斷敲門，十分鐘後才聽見model開門跟對方講了幾句，然後就傳來關門聲。
「第二朝我問 model 發生乜事，原來佢話當時有個穿白衫的長髮少女蹲在對面房門前問：『我可唔可以入來坐？』幸好當時model半夢半醒未識驚，迷迷糊糊拒絕後，就撲回床上再瞓。
「但其實當晚她關門以後，我仍然聽見門外有細碎的說話聲，一直吟噚到天光！」
07 | 馬來西亞：記得熄燈
攝記Ms. M說：「有晚在酒店開住燈瞓， 中途扎醒，但個人好似窒息唔郁得，睜開眼望唔見異樣，但就覺得有無影腳圍住我個枕頭踩咗個圈，跟住房燈同廁所燈就自動熄晒！嚇到我即刻換酒店！」
08 | 關島「冇臉新娘」
記者Mr. Q說：「有次我去採訪十分例 牌的關島婚紗活動，回來睇相，發現其中一幅相，新娘塊面竟然係冇眼耳口鼻！！無論圖片zoom得多大，都望唔見新娘臉上的五官，連少少輪廓都冇，好平！我到依家都唔敢寄番張相畀當事人！」
09 | 台南舊式民宿好猛！
記者Ms. S說：「出差時未遇過怪事， 不過早年有次自己放假去旅行，入住台南的舊式民宿就好驚心。入到洗手間，見到好多啡色手掌印橫掃廁所幅牆，屋主話係拍蚊時留低的，我唔知信唔信好！」